Innuttaasut
Nunatsinni innuttaasut maannakkut 56.000-t ataappaat
Kalaallit Nunaanni innuttaasut 56.000-t ataappaat kingullermik 1997-mi. Aamma nunaqarfinni innuttaasut ikiliartorput
Nunatsinni ikiliartuinnavippugut.
Tamanna Naatsorsueqqissaartarfiup kisitsisaataani takuneqarsinnaavoq.
Jannuaarip aallaqqaataani 2015.mi inuit 55.984-t Kalaallit Nunaanni najugaqarput. 2014-p ingerlanerani innuttaasut 298-nik ikileriarput 1997-miillu maanna siullermeersumik innuttaasut amerlassusaat 56.000-it inulerpaat.
Kommuneqarfinni sisamani Kommuneqarfik Sermersuumi 2014-mi taamaallaat inuit amerlipput, innuttaasut 81-nik amerleriarlutik.
Kommune Kujallermi innuttaasut 118-nik ikileriarpiut, Qeqqata Kommuniani innuttaasut 39-nik ikileriarput kiisalu Qaasuitsup Kommuniani innuttaasut 123-nik ikileriarlutik.
Nunaqarfinni innuttaasut amerlassusaasa ikiliartornerat nangilluni appariartorpoq. 2014-innarmi 7.678-niit 7.470-nut ikileriarput, tamanna Naatsorsueqqissaartarfimmi atuarneqarsinnaavoq.
Kisitsisit assip ataaniittut takukkit