Nunatsinni inissiisarfinnut inissinneqartartut amerlaqaat: Europap kitaani nunanit nallerneqaqqajanngillat
Kalaallit Nunaanni nakuusernermik nalunaarutiginnittarnerit Savalimmiunit aqqaneq-marloriaammik amerlanerupput. Pinerluuteqartartut amerlasuut inissiisarfinnut inissinneqartarput, atugassarisaallu imaannaanngitsuupput. – Inissiisarfiit naalliutsitsiviupput, immikkut ilisimasalik oqarpoq.
Naalagaaffeqatigiinni inuiaqatigiit parnaarussiveqanngitsut marluk assigiinngitsorujussuupput. Kalaallit Nunaanni pinerluuteqarsimasunik inissiisarfinnut inissiisarnerit imaaginnavissut Savalimmiuni pinerluttarnerit nunarsuarmi ikinnerpaat ilagaat.
Tamanna takuneqarsinnaavoq Kalaallit Nunaanni Savalimmiunilu pinerluttarnerit sanilliunnerisigut.
– Savalimmiuni innuttaasut 100.000-iugaangata inissiisarfinnut inissinneqartartut 21-iinnaapput. Kalaallit Nunaanni 225-iupput. Pinerluuteqartartut amerlasoorujussuupput. Europap kangiani nunat arlaannaannilluunniit nallerneqaqqajanngillat, ilinniagartooq nunatsinni inissiisarfeqarnermik immikkut ilisimasaqarnerpaaq, Ilisimatusarfimmi lektori Annemette Nyborg Lauritsen, taamatut tikkuaavoq.
Pissutsit assigiinngitsut
Tamatumunnga sunamitaava pissutaava?
Pissutaasut amerlasoorpassuusinnaapput, tamatumani ilanngullugit oqaluttuarisaanikkut, inooqatigiinnikkut kulturikkullu pissutsit. Annemette Nyborg Lauritsen aperalugu taassuma tamanna imatut akissutissarsiorpaa
– Taamatut assigiinngissuteqarnermut nassuiaataasinnaasut ilagisinnaavaat Kalaallit Nunaanni pinnerlunnermik nalunaarutiginnittarnerit Savalimmiunit akulikinnerummat. Pisuni pinannginnerusuni aaqqiagiissuteqarneq Savalimmiuni immaqa nammineq aaqqinniarneqartarpoq. Taamatut oqareerluni Savalimmiuni assersuutigalugu toqutsisarneq qaqutigoortorujussuuvoq, taanna oqarpoq.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: