Skip to main content

Nunatsinni inissialiornissarsuarmut pilersaarutigineqartut suli annertoorujussuupput

Kommuneqarfiit pingaarnersaani inissialiornissarsuamut pilersaarutit suli annertoorujussuupput, tamanna Aningaasaqarnermut Inuussutissarsiuteqarnermullu Ataatsimiititap sisamanngornermi eqqartugassaani saqqummiunneqarsimasumi allassimavoq.

- Nuup ineriartorteqqinnissaanut pisariaqartitsilluinnarneq tunngavigalugu Siorarsiorfik Nuuk City Development Project (NCD) suliarineqarpoq, aammalu inissialiornissamut, atuarfiliornissamut, atuarfinnut attuumassutilinnik sunngiffimmi sammisassaqartitsinernik sanaartornissanut meeqqerivinnik meeraaqqeriviutigisunik sanaartornissanut illoqarfimmi amigaataaqisunik sanaartornissamut aqqutissiuilluartussaavoq, kommunaldirektøriungallartup Lars Møller-Sørensenip politikkerinut saqqummiusaani allassimavoq.

Inuit amerliartornerat

- Illoqarfimmi innuttaasut amerlassusaat maannakkut 18.000-nit ikinnerulaarput, taakkulu akornanni inuppassuaqarpoq inissiani pissusissamisuunngitsuni ullutsinnullu naleqqutinngitsuni najugalinnik. Illoqarfimmut ukiut tamaasa maanna nuuttartut 200-t aamma 300-t akornaniimmata, meeqqerivinni inissat ikiliartorput, maannalu illoqarfimmi meeqqat paaqqutarineqartarnissaannut atuarfimmilu periarfissaqartinneqarnissaannut qulakkeerinninniarneq ajornartorsiutaangaatsialereerpoq. 

Pilersaarutaavoq

Quleqquttat saqqummiunneqartut aaku:

  • Inissiat ikinnerpaamik 1.600-t, taakkunannga 400-t kommunimit pigineqarnissaat naatsorsuutigineqarluni. 
  • Atuarfiit nutaat pingasut, tassa ASK aamma USK katillugit 1.200-nik atuartullit taarserlugit atuarfissat kiisalu Qinngutsinni atuartunut 400-nut inissalinnik atuarfinnik nutaanik marlunnik sanaartorneq taavalu illoqarfiup ilaani nutaami Siorarsiorfimmi atuartunut 1.200- nut inissalik.
  • Atuareernerup kingorna ornittakkat nutaat pingasut (AKO) sanaartorneqassapput, taakkunanngalu AKO-t marluk atuarfissuarnut marlunnut attuumassuteqartinneqassapput, pingajuallu AHL-imut attuumassuteqartinneqarluni sanaartorneqassalluni. 
  • Meeqqeriviit meeraaqqeriviutigisut nutaat qulit sanaartorneqassapput imaalerlutik Siorarsiorfimmi meeqqeriviit nutaat pingasut illoqarfimmilu maannakkut pioreersumi arfineq- marluk. 
  • Aqquserngiornermi Qinngutta aamma Siorarsiorfiup akornanni sullorsualiortoqanngikkuni sissakkut aqquserngiortoqarluni.
  • Illoqarfimmi attaveqarneq inerisarneqassaaq. 
  • Immikkoortunik nioqqutissiornernut inuussutissarsiutigalugu nunaminertat inerisarneqassapput.
  • Inuussutissarsiuteqarnermi ininut suliffeqarfiit pioreersut piusussallu atugassat 25.000 m2 tikillugu angissusilik nutaaq, matumani qatserutaasivik nutaaq imaluunniit ikiuiartortartut sulliveqarfiat.
  • Stadiumip qulisap isiginnaartunut 3.000-inut inissallip sanaartorneqarnissaa illoqarfimmik ineriartortitsinermut pilersaarummut periarfissatut ilanngunneqassaaq.

Aamma atuaruk: Nunatsinni inissialiornissamut pilersaarutit annersaat allanngortinneqarpoq – navianartoqarpallaarunnaarpoq

Aamma atuaruk: Illoqarfiit pingaarnersaannut pilersaarut: Sullorsuaq taamaatinneqarpoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER