Skip to main content

Nunatsinni inissialiornissamut pilersaarutit annersaat allanngortinneqarpoq – navianartoqarpallaarunnaarpoq

Siorarsiorfimmut sulinitigineqartoq annertooq kingunissai annertuivallaartut kommuneqarfiit pingaarnersaasa nassuerutigaa, taamaammat Aningaasaqarnermut Inuussutissarsiuteqarnermullu Ataatsimiititaq ataatsimiilernissaanut eqqartorneqartussamik pilersaarummik nutaamik saqqummiussaqarput.

Kommuneqarfik Sermersuup illoqarfiit pingaarnersaanni – Nuuk City Development – Siorarsiofimmik suliniutertik annertooq sukataaruttuarsinnaarpaat, taamaattoq pilersaarummi qulequttat pingaarutillit arlallit allanngortinneqarsimsut, aningaasaqarnermut ataatsimiititaliamut inassuteqaammi erserpoq.

Aningaasalersueriaatsit nutaat

"Aningaasaleeriaatsit nutaat Siorarsiorfik – NCDP pillugu pilersaarummut ilanngunneqarnissaat pisariaqartoq." kommunip nassuerutigaa.

Tamanna Kommuneqarfik Sermersuumit kisimi kivinneqarsinnaanngitsoq aallaaviuvoq. Namminersorlutik Oqartussattaaq kisimiillutik suliaq kivissinnaanavianngilaat. Aamma Namminersorlutik Oqartussat Kommuneqarfik Sermersuullu qanimut imminnullu pisussaaffilerlutik suleqatigiikkaluarunik, sanaartugassatut suliassarineqartut politikkikkut aningaasatigullu pioreersutigut tunngaveqarlutik piffissaliunneqartorlu qaangernagu aallaavigineqarpat, kivissinnaanavianngilaat. 

- Siullermik siunertaavoq, illoqarfimmik inerisaanermi pilersaarut ingerlatseqatigiiffinnik aningaasaliisinnaasunik (assersuutigalugu Soraarnerussutisianut aningaasaateqarfiit) aamma sanasullu assigiinngitsunik immikkut suliaqartut ataqatigiissumik suliaqarnissaannut pilerisaarinissaq, politikkerit siunnersuutaanni allassimavoq.

Nalorninartut iluaqutissallu

- Allaffeqarfimmit maanna siunnersuisartoqatigiit Namminersorlutillu Oqartussat suleqatigalugit paasineqarpoq, nalorninartutut inissisimasut ataqatigiissumik neqeroortitsissutigineqarnerini pitsaaqutitut inissisimasut suli nallerneqanngitsut,  kommunaldirektøriungallatup Lars Møller-Sørensenip ataatsimiititaliamut nassiussimasaani, aalajangiiffigisassatut siunnersuummi nassuerutigineqarpoq

- Paarlattuanik kommunip illoqarfimmik inerisaanissamut piginneqatigiiffiatigut pilersaarut angisuunut mikinernullu neqeroortitsissutigineqarnissaa allaffeqarfimmit agguataarneqassaaq. Pitsaaqutigissavaa aningaasaliisinnaasut mikinerit sanasullu piginneqatigiiffissuit suliat pillugit neqeroorsinnaassammata, taamaalilluni najukkami suliffeqarfiit avataaneersullu akulerunnissaat periarfissaalissaaq. Niuernikkut suna akilersinnaanerunersoq naapertorlugu, illoqarfiup inerisarnissaanut pilersaarummi immikkoortut sanaartornerini teknikkikkut aningaasaliissutitigullu inissisimasut taamaalillutik nalimmassarneqarsinnaalissapput, oqaatigineqarpoq.

Piumasamik iliorsinnaaneruneq

Eqqarsartaavoq illoqarfiup inerisarnissaanut piginneqatigiiffimmit pilersaarummi immikkoortut pisortat namminersortullu suleqatigiinnissaat imaluunniit OPP-mik taaneqartartut, immikkoortut pisortat namminersortullu suleqatigiissutigisassaat (OPS) immikkoortinneqassapput, aamma pilersaarummi allatigut aningaasaleeriaaseq anguniarneqassalluni. Nuummi nalinginnaasumik sanaartornerit immikkuullarilluinnartumillu Siorarsiorfiup suliarineqarnissaata kingunerisaanik, siunissaq ungasinnerusoq eqqarsaatigalugu avataaniit aningaasaliisoqarnissaa qinnuteqaatigineqassaaq, taamaaliornikkummi illoqarfinnut nunaqarfinnullu allanut iluaqutaasussamik nuannaarutaasussamillu kommunimi sanaartornermi missingersuutitigut annerusumik inissaqartitsisoqassammat. 

Kommuneqarfik Sermersuumi Aningaasaqarnermut Inuussutissarsiuteqarnermullu Ataatsimiititaq sisamanngornermi ulloq 17. august ataatsimiissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER