Skip to main content

Nunatsinni illoqarfiit ineriartornerpaaffiani sanaartugassanik niuerneq nutaaq

Sanaartornermut atortunik tuniniaasartoq Stark, Kalaallit Nunaanni arfinilissaanik niuerfimmik ammaavoq

Tasiilami ukiaq marlunnik aporfeqarsimavoq, siullermik sanaartornermik suliaqartoq Viking oktobarimi akiliisinnaajunnaarpoq, illoqarfiullu sanaartornermik sulisartuisa amerlanerpaartaasa suliffitsik annaavaat, kingornalu illoqarfik anorersuarmik piteqqamik nalaataqarpoq, illunik arlalinni aserorterisumik.

Atuaruk: Tasiilap sanaartugassanik suliaqartartutuaa akiliisinnaajunnaarpoq

Ullumikkulli Tunumi illoqarfiit annersaanni innuttaasunut 2.000-inut nuannersumik nutaarsiassaqarpoq: Pisiniarfimmik nutaamik ammaasoqarpoq.

- Tunup sineriaani sanaartornermut ineriartortoqarnissaanik isikkoqartillugu, Stark sanaartugassanik niuertarfimmik nutaamik illoqarfimmi Tasiilami ammaaqqammerpoq, ingerlatsivik ilisimatitsivoq.

Tassani illoqarfiup ineriartorneranut aamma Tasiilami nutaamik mittarfiliortoqarnissaanut tunaarlertoqarpoq, taannalu Nuuk peqatigalugu illoqarfiit ineriartortut sukkanersaraat.

- Tunup sineriaani sanaartornerup tungaatigut pisoqartorujussuuvoq, tamannalu tunngavigalugu nutaamik niuertarfimmik ammaanissarput pissusissamisoorsimavoq, Stark Kalaallit Nunaat A/S-imi pisortaaneq, Poul Erik Nørnberg, Tasiilami pisiniarfimmik ammaanermut atatillugu oqarpoq.

Assit takukkit: Tasiilami piteraq sakkortooq

- Sullissinitsinni, siunnersuinitsinni aammalu atortussat sanaartortartunut aammalu pisisartunut qanilluta najukkami najuunnissarput pingaartipparput.

Pisiniarfik januaarip aqqarnani 2016-imi ammarpoq, ullaarnaniillu pisiniartoqarluarsimavoq, suliffeqarfiup assilisaani uani ataani soorlu takuneqarsinnaasoq.

Atuaruk: Meeqqanut atorfissaqartitsisunut ikiuisoqarlunilu aningaasanik tunniussisoqartoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER