Nunatsinni ilisarisimaneqartoq tigummigallarneqartoq

Russit umiarsuaat ilisimatuussutsikkut misissuut ilisimasassarsiutaasorlu Akademi Ioffe Canadamit piumasaqartoqarnerata kingorna danskit oqartussaasa tigummigallarpaat. Umiarsuaq Kalaallit Nunaanni ilisarisimaneqarpoq.

Russit umiarsuaat ilisimatuussutsikkut misissuut ilisimasassarsiutaasorlu Akademik Ioffe, maanna danskit oqartussaannit Skagenip avataani tigummigallarneqartoq, nunatta imartaanni talittarfiinilu tikittartuni ilisimaneqarluarpoq.

Aviisi Sermitsiaq taama allappoq.

Akademik Ioffe 1. november Skagenimut toqqorsivimmut talinnermut atatillugu tigummigallarneqalerpoq. Canadamiut angalatitsisartut Ocean Expeditions Inc.-ip piumasaqarneranit tigummigallarneqarnera pivoq, umiarsuarmit piginnittoq, russit immami ilisimatusarnermik immikkoortortaq Shirshov Institute of Oceanology Moskvameersoq, taakku 40 millionit koruuninik tigusassaqarlutik isumaqarput.

Akademik Ioffe 2011-mili Canadamiut angalatitsiviannut Issittumi ilisimasassarsiortitsilluni angalasarpoq, tassungalu atatillugu Kalaallit Nunaat arlaleriarluni tikittarpaa – kingullermik 2017-imi.

Aviisimi Sermitsiami atuarnerusinnaavutit. Aviisi uani pissarsiariuk:

Powered by Labrador CMS