Skip to main content

Nunatsinni ernisussiortuni namminersortoq siulleq

Nuummi aallarnisaasunngoqqammersoq naartusunut inuttut ataasiakkaatut ernisussiortutut kiffartuussisalernissamik pilersitsilerpoq.

Ernisussiortup 29-nik ukiullip Line Poulsenip Kalaallit Nunaanni naartusunut passussisarfimmik namminersortumik siullerpaamik aggustip aallaqqaataani ammaappat, Nuummi naartusut naartunerminni saniatigut maanna neqeroorfigineqarsinnaalissapput, aviisi Sermitsiaq allappoq. 

– Naartusunut inuttut ataasiakkaatut neqeroorutinik pisariaqartitsineq ukiuni kingullerni annertusiartorpoq. Nunarsuaq tamakkerlugu tamanna atuuppoq – soorunami aamma Kalaallit Nunaanni, Line Poulsen Sermitsiamut oqarpoq.

Line Poulsen 2017-imili Dronning Ingridip Napparsimmavissuani ernisussiortut passussisarfianni sulivoq. Atorfik aalajangersimasoq atorfeqaannarnissamullu qularnaatsoq. Atorfimmit tassannga maanna soraarpoq, tamakkiisumik namminersortunngorniarluni.

Ernisussiortup passussisarfia nutaaq wellness-klinik Nuummilu isikkanik tagiartuisarfik sumiiffigisaanni aamma inissisimassaaq.

– Peqqissutsimut tunngasunik suliffeqarfiit arlallit illoqatigiinneranni suliatigut tamanut pissarsiaqarnartarnerat qularutiginngilara.

Line Poulsen Københavnimi Professionshøjskolen Metropolimi ernisissiortutut 2017-imi ilinniarsimavoq. Tassunga ilinniariartarnera eqqaassanngikkaanni – 2012-imili Nuummi najugaqarpoq.

Allaaserisaq tamaat uani Sermitsiami atuaruk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER