Nunatsinni angutit nukittunerpaartaat Arnold Schwarzeneggerimit naliliiffigineqassasoq
Kim Ujarak Lorentzen arfininngornermi Arnold Classic Strongman-imut peqataassaaq.
Annonse
Kim Ujarak Lorentzen Tuluit Nunaanni Arnold Classic Strongman-imi unammersuaarnermut siullermeerluni peqataassaaq. Tamanna arfininngorpat pissaaq.
Unammersuaarnermi ullut pingasut sinnerlugit ingerlanneqartussami inuit 60.000-inik amerlanerusut peqataassapput.
Tusaamasaq Arnold Schwarzenegger
Kim Ujarak Lorentzen ukioq manna World Strongest Man 2022 USA-miittumi Californiami peqataavoq. Tamanna maajip qaammataani pivoq. Juulip qaammataani aamma Sveriges Raw Stærkestemi ajugaavoq.
Maannalu angusaqarniaqqittussanngorpoq, matumani tusaamasarsuarmit naliliiffigineqassalluni.
Arnold Schwarzenegger unammersuartunut isiginnaariartussaavoq.
- Anginerusinnaanngilaq, Arnoldimi ataasiinnaavoq, Kim Ujarak Lorentzenip sungiusaasua Allan Juhl oqarpoq.