Skip to main content

Nunatsinni akunnittarfiit ajornartorsioqisut

Nunatsinni akunnittarfinni unnuisartut aasaq manna takkutinngitsoorput. Tamatuma saniatigut ukiaru ataatsimeersuarnissarpassuit taamaatiinnarneqartariaqassapput. Sulisitsisuni pisortap Brian Buusip akunnittarfinnik akiliisinnaajunnaartoqaqattaalernissaa ernummatigaa

Morten Nielsen ukiorpassuarni akunnittarfilerinermik suliaqarsimavoq.

Taanna Ilulissani Hotel Arcticimi pisortaaneruvoq.

– Taamaattoqarneranik misigisimasaqarsimanngisaannarpunga, pissutsit pillugit taanna oqarpoq.

– Naatsorsuutigaarput 2020-mi millioninik marlunnik kisitsisitalinnik amigartooruteqassalluta, siorna akileraarutit ilanngaatigereerlugit 6,1 millioner koruuninik sinneqartooruteqarsimalluta. Uagutsinnut ajunaarnersuussaaq ukioq manna corona pissutigalugu millioninik marlunnik kisitsisitalinnik amigartooruteqassagutta, Morten Nielsen oqarpoq.

Juulimi Hotel Arcticimi inissat 25-30 procentii atorneqarsimapput, ukiumi siuliani 85-90 procentii atorneqarsimasut.

– Aasaq manna takornarianit niuertunillu angalasunit ikittunit inniminniiffigineqartarsimavugut. Maanna inuit angallannerpaasarfiat qaangiutingajalerpoq. Taamaalippat coronamut killilersuutinit eqqorneqaqqissaagut, taamaalilluta ataatsimeersuarnerit ingerlassinnaassanatigit, kommunit killeqarfii qaangerlugit naapeqatigiittoqaqqusaannginnera pissutigalugu. Inuillu angallannikiffianni ataatsimeersuarnerit aningaasarsiutitta pingaarnersarisarpaat. Tamakkua siusinnerusukkut ukiukkut inuuniutigisarsimavavut, Morten Nielsen oqarpoq.

Taamatuttaaq ilaatigut juulimi atuinikittoqarneranik nalunaaruteqarpoq angallassinermik ingerlatsivissuarmi Topas Travelimi pisortaaneq piginnittuunerlu Jørgen Sølvsten Nielsen, taassumalu Ilulissani Hotel Icefiord, Qeqertarsuarmi Hotel Disko Island Qasigiannguanilu Hotel Disko Bay pigai.

Allaaserineqartoq aviisimi Sermitsiami tamakkiisumik atuaruk. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER