Skip to main content

Nunatsinni aatsitassarsiorneq pillugu finskinut nalunaarusiaq tupigusutsitsivoq

Danmarkimi De Nationale Geologiske Undersøgelser for Danmark og Grønland (Geus) Kalaallit Nunaanni aatsitassarsiorneq pillugu siunnersortit atorlugit finskit oqartussaasuinut nalunaarusiortitsisimavoq. Nalunaarusiarli nunatsinni oqartussaasunit isornartorsiorneqarpoq, nalunaarusiaq amigaatilittut politikkersornertullu taallugu

Finskit aningaasaqarnermut sulisartoqarnermullu ministereqarfiata nunatsinni aatsitassarsiorneq pillugu nalunaarusiaq saqqummiuteqqammerpaa. Nalunaarusiaq imaqarpoq Kalaallit Nunaanni nunap sananeqaataanik inuiaqatigiillu agguataarnerannik aammalu inatsimmut paasissutissanik kiisalu nunatsinni oqartussaasut nunatut aatsitassarsiorfittut unammilligassaannut paasissutissanik, Sermitsiaq allappoq.

Ilanngullugu nalunaarusiami ilaapput aatsitassarsiornermi suliniutinut assersuutissanik pingasunik, tassa Qaqortorsuup eqqaani Hudsonip anorthositemik suliniutaanik (White Horse), Isuani saviminissarsiornermik suliniutip ilimanaateqassusianik aamma Nalunami kuultisiorfimmik. Geusip Aatsitassanut Atortussnullu ilisimasaqarfia finskit oqartussaasuinut nalunaarusiortitsisuuvoq, siunertaasimavorlu finskit ingerlatsiviisa Issittumi niuernermut periarfissaannik ammaassinissaq.

Suliniutit assigiinngitsut

– Finskit aningaasarsiornermut ministereqarfiat programmimik ingerlatsivoq, tassuunakkut Issittumi inuussutissarsiorfiit assigiinngitsut misissuiffigalugit, soorlu aalisarneq, takornariaqarneq, immakkut angallanneq aatsitassarsiornerlu. Tamatumunnga atatillugu Geusimut saaffiginnissimapput, Kalaallit Nunaanni aatsitassarsiornermi periarfissat misilittakkallu sukumiinerusumik paasisaqarfiginissaat soqutigigamikku, tamatumani ilanngullugit inatsisinut, iluarsaassinernut niuernermullu tunngasut, nalunaarusiamik suliarinneqataasoq, Aatsitassanut Atortussanullu ilisimasaqarfimmi siunnersortaneq Jakob Kløve Keiding oqarpoq.

- Tamanna aamma tunuliaqutaralugu misissuiffigineqartutut taaneqartut pingasut taakkua toqqarneqarsimapput. Assersuutigalugu suliniutit siuarsimasorujussuit ilaat ilanngukkusussimanngilagut assersuutigalugu Kuannersuarni Killavaallu Alannguanni suliniutit, tamanna peqataasutut ilanngussatut isigineqarsinnaammat. Tamatuma saniatigut kissaatigisimavarput suliniutit assigiinngitsuussasut, tamakkunni unammilligassat suunermut eqqarsaatigalugu. Pitsaanerpaassappat suliniutit amerlanerusut ilanngussimasinnaagaluarpagut, taaneqartunulli pingasunut killilertariaqarsimavagut, Jakob Kløve Keiding oqarpoq.

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER