Skip to main content

Nunatsinni aalisagaq takornartaq iserujussualik pisarineqartoq

Ilisimatooq aalisakkamik maannamut takornartaasimanngitsumik Kujataata kangiani pisaqarpoq, qallunaatullu taaguuserpaa 'nordlig tykhale blyantsmelt'

Aalisagaq mikisoq takkajaaq angisuunik isilik Kujataata kangimut imartaanit itisuumit qaqinneqarpoq.

Aalisagarlu misissuinermi nutaami pingaarnertut inississimavoq, tassami isumaqaramik aalisagaq takornartaasoq, Videnskab.dk allapoq.

Suli ilisimaneqanngitsut
- Kalaallit Nunaata imartaata eqqaa misissuilluarfigineqarsimasutut nalinginnaasumik nalilertaraluarparput. Nassaarineqartulli uuma aalisakkap takutippaa, Atlantikup avannaata itinersaani suli misissugassaqangaatsiartugut, Pinngortitaleriffimmi uumasulerisoq, Jan Yde Poulsen videnskab.dk-mut oqarpoq.

Taassuma aalisagaq takornartaq latinerisut 'Nansenia boreacrassicauda'-mik atserpaa - qallunaatut 'nordlig tykhale blyantsmelt'. Aalisagaq nassaarineqartoq takornartaammat kalaallisut suli taaguuteqartinneqanngilaq.

Aalisakkap aatsaat nassaarineqarneranut qaqutigoortuunera aamma aalisarfigineqarpiarneq ajortumiinnera pissutaasoq, ilisimatuut isumaqarput. Aammalu angissutimigut takujuminaalluni: Aalisagaq 30 centimeterinit anginerulersinnaanavianngitsoq, Jan Yde Poulsen naliliivoq.

Imaq itinerusoq
- Iserujussuaqarpoq niaquata takissusaata affaa tikingajallugu angissusilimmik. Tamatuma peqqutigaa immami itinerusumi qaamaneqarpianngitsumi piniartarami. Imartami Atlantikumi taama avasitsigisumi aalisartoqarpallaarneq ajorpoq, Jan Yde Poulsen oqaluttuarpoq.

Aamma atuaruk: Nunatsinni aalisagaq nutaaq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER