Nunatsinni 25-riarluni hiv-mik tunillaassuisoqartoq

Kalaallit Nunaanni atoqatigiinnikkut nappaat hiv qanoq tunillaassimanersoq ilisimatuunit Danskinit Svenskinillu misissorneqaqqammerpoq. Misissugaannut ilaavoq qanoq inunniit inunnut tunillaassuisoqarsimanersoq.

Aatsaat taama annertutigisumik taassuminnga nappaammik nunatsinni misissuisoqarpoq. Nappaatip qanoq siaruarsimanera ilaatigut aamma misissorneqarluni.

- Nappaat hiv/aids ajornartorsiuterujussuuvoq, nappaat qanoq pissuseqarnersoq misissuiffigilinnginnerani paaseqqissaarneqaqqaartariaqarpoq, Center for Geogenetik, Københavns Universitetimi ph.d-mut atuartoq Christian Bruhn oqarpoq.

- Nappaat qanoq Kalaallit Nunaannukarsimanersoq, sumut, qanoq qangalu anngussimanersoq ilisimatuussutsikkut uppernarsisinnaavarput, tamanna ilisimatuussutsikkut sulinermi tupinnartuuvoq. Aamma nappaat qanoq siaruaassimanersoq qasseriarlu siaruaasoqarsimanersoq aamma paasisinnaasimallutigu.

Kalaallit Nunaat piukkunnaateqartoq
Bruhnip ilinniarnermini ilitsersuisua professor Tom Gilbertip ukiut arlaqanngitsut paasivaa Kalaallit Nunaat paasiniaaffigissallugu pingaaruteqartoq piukkunnartuusorlu.

Inuiaqatigiinnimi inuit amerlavallaanngillat, nunatigut nunanik sanileqarnani nappaallu pineqartoq paarineqarlunilu nappaateqartut amerlavallaanngillat.

Aallartisaanermili apersuinerit annertuut ingerlanneqarput, aaversiisimanerit aamma nappaatilinnik misissuisoqarpoq apersuisoqarlunilu, kiisalu nakorsat aamma ilaatinneqarlutik.

- Nappaatimik siaruaaneq ullormi sumi aallartissimanersoq ilisimaneqanngilaq, kikkullu aallarniisimanersut aamma ilisimaneqarnani, Christian Bruhn oqarpoq.

Taamaattumik misissuisut inummiit inummut paasiniaapput.

174-it hiv-mik nappaateqarput
Nunatsinni siullermeersumik hiv-mik nappaatilimmik 1985-imi paasisaqartoqarpoq. Inuit 98-it hiv-mik nappaateqartut misissuiffigereerlugit tupaallannartumik paasisaqarput.

Paasivaat inuit hiv-mik nappaataat assingusuusut kiisalu paasillugu nappaat 17-arluni assigiinngitsoriaq tunillaasoqarluni.

Nappaatillit 174-it akornanni paasineqarpoq 25-arluni minnerpaamik tunillaassuisoqarsimasoq. Taamaattumik nappaatit hiv-t arlaqartut paasineqarluni.

Videnskab.dk isumaqatigiissuteqarfigalugu saqqummiunneqarpoq, Rasmus Kragh Jakobsenimillu allaaserineqarluni. Allaaserisaq tamaat takuuk - qallunaatuinnaq allaqqavoq