Nunat pingasut skakkernermik unammineranni Nuummi politiit ajugaapput

Nuuk Centerimi skakkernermik unammisitsisoqarnerani Filipinerit, Islandermiut Kalaallit Nunaanninngaanneersullu unammipput tallimanngormat. Taanna pereermat Fidemester Robert Lagerman aamma Nuuk Skakklubimit Aslak Grahlien isiginnaarianut unammipput.

Arfininngornerup ualinerani skakkerluni sukkasuumik unammisoqarpoq, unnukkut islandimiut inuusuttuarartaat kalaallinut marlunnut islandimiumullu ISTAK-imi Nuummi atuarfimmik suliaqartumut, takutitsiutigalugu unammipput.

Nunat pingasut unammineranni Islandermiut inuusuttuarartaat skakkillaqqissut kalaallinut unammipput, taakku politiinut Steffen Lyngemit siulersorneqarlutik unammipput. Filipinerit skakkernermik misilittagaqarluartunik pingasunik peqataatitaqarput. Skakkernermik unammisitsisoqarnera Nuuks Skakklubip siulittaasuata Niels Skouip nuannarilluarpaa.

- Islandimiunit tikeraarneqarnerput skakkernermik klubbimik ingerlatsisuulluni nuannareqaarput. Islandermiummi inuusuttortaminnut skakkernermik aallussilluartartuusut ilisimaneqarluarpoq, tamanna Nuummi ilinniarfigilluarsinnaavarput.

Filipinarit aallartilluartut

Islandimiut inuusuttuarartaat skakkernermik piginnaanitik takutilluarpaat, Filipinerilli ajugaanissaat ilisimanarsilluinnaraluarpoq. Unamminermi kingullerpaami filipinerit unammisitsisoqarnerani ajugaassagunik remis-erlutik naligiiginnarsinnaagaluarput. Ike Giroyip unamminermini piffissaaruttoorpoq, unamminermi naligiileraluarluni kalaallinut unamminermi ajorsarpoq.

Unamminermi kingullermi kalaallit ajugaagamik unammisitsinermi aamma ajugaasuupput. Filipinerit aappaattut inissipput, Islandimiut inuusuttuarartaat pingajuattut inissillutik.

Lagermanip Grahlienilu najuuttunut unamminerminni unammeqataasut tamarmik ajugaaffigaat ataaseq eqqarsaatigissanngikkaanni. Unammeqataasut ilaat Ral Fleischer kisimi najuuttuni ajorsartinneqanngilaq.

Sukkasuumik skakkernermi arfininngornermi unammisitsisoqarnerani ajugaasussatut naatsorsuutigineqareersoq Robert Lagerman ajugaasuuvoq. H.C. Niemann aamma Keld Ostersen aappaattut pingajuattullu tassani inissipput. Aron Orn Hlynsson aamma Steffen Lynge tulliuttunut inissipput, ujaminnanngitsuulaarlutik. Ajugaasunut tunniunneqartut Ittu.Net-imeersuupput, aamma peqataasunut makitsisitsisoqarpoq.

Skakkerneq atuarfimmi ilinniartitsissutaalernissaa

Islandermiut inuusuttuarartaat arfininngormat ISTAK-imut unamminerat naligiiffiuvoq. ISTAK-imi sulisut qiimallutik unammeqataapput, tallimanngormat atuarfiliaat nappaanersiorneqarpoq.

Skakkertarneq qanoq ineriartorsinnaanersoq Nuummi skakkertartut peqatigiiffiata Niels Skouip ima neriuutini oqaatigaa:

- Atuarfittaassaq naammassereerpat neriuutigaara Nuummi inuusuttuaqqat skakkernermik ilinniartilluarneqartalerumaartut, imaassinnaasoq atuarfimmi immikkut ittumik ilinniartinneqarsinnaapput.

Nuummi skakkernermik unammisitsineq Nuuk Centerimi atuarfittaassamilu ingerlanneqarpoq.