Nunat inoqqaavisa oqaluttualiaat
Indigenous Futurism – nunat inoqqaavisa siunissaat – oqaasiuvoq ilikkartariaqagarput. Siunissamimi qulequttap taassuma iluani eqqumiitsuliat, atuakkiat, titartakkat pinnguaatillu amerlanerit takusalissavagut. Taama titartakkani Moonshotimi aaqqissuisoq isumaqarpoq.
Arnap timaa tulukkap niaquanik niaqulik oqarasuaammik angallattakkamik tigumiartoq. Uumasut nujuartat nuna aserorsimasoq nakkukkaat. Oqaluttualiaarpaluttoq taamaakkaluartorli inuunngitsoq siunissameersoorpasittoq timmissatut niaqulik, ipittunik kukilik tiigeritullu pissinnialersutut timilik.
Titartakkat Moonshot pingajussaat aasaq manna saqqummersussat imarisaat suussanersut taamaallaat misiliutitut annikitsutut saqqummersimapput. Isumalluarnaqaalli, titartakkallu taakkorpiaat Indigenous Futurism suunersoq assarsuutissaalluarput.
Nersornaaserneqartoq
Moonshotimi saqqummersussat oqaluttuanit 15-inik katersaapput Canadami USA-milu atuakkiortunit eqqummitsuliortunillu nunap inoqqaavinit pilersinneqarsimasut. Moonshotimik suliaqartut marluk Sean aamma Rachel Qitsualik-Tinsley Nunavummeersuupput. Oqaluttuat tamarmik atuakkiortut eqqamiitsuliortullu qangaaniilli upperisaannit ilisimasaannillu aallaaveqarput.
Moonshot siulleq 2015-imi saqqummersinneqarpoq. Canadami USA-milu atuakkiortunit nunap inoqqaavinit assigiinngitsunit oqaluttuanik 18-inik imaqarpoq. Kingorna 2015-mi USA-mi atuakkanut nersornaasiuttakkamit School Library Journalimit atuakkat pitsaanersaattut toqqarneqarpoq aammalu USA-mi nersornaammik akimasuumik IPPY Awardsimit tunineqarluni.
Allaaserisaq tamakkiisumik aviisimi Arnanumi atuarneqarsinnaavoq. Aviisi uani pisiariuk: