Nunat Avannarliit aningaasaliissutigisartagaat Nunatsinnit agguaanneqassasut

Nunat Avannarliit Ministeriisa Siunnersuisoqatigiiffiata Issittumi suleqatigiittoqarnissaanut suliniaqatigiiffia 1996-imi pilersinneqarpoq, ministerinillu isumaqatigiissutigineqarsimavoq, nunat avannarliit Issittuanni suliffeqarfiup tamanut qinnuteqartitsinissat isumagineqarsinnaaqqullugit aqutsisutut isumaginnittuusinnaaneranut periarfissanik misissuisoqassasoq.

Oqartussat, suliffeqarfiit, ilisimatuut, NGO-t inuussutissarsiutinillu ingerlatsisut soorlu ataatsimeersuartitsinissamut aningaasanik qinnuteqarsinnaapput. 2022-mi 10 millioner koruunit agguaassassanngortinneqarsimapput.

Suleqatigiinnermut Naalakkersuisut aqutsineq Sverigemi Nordregio-mit nunatsinnut 2022-mi nuunneqassasoq ukioq manna aalajangerput. Naalakkersuisunit ilisimatitsissutigineqarpoq.

Naalakkersuisoq Kalistat Lund (IA) Nunani Avannarlerni Suleqatigiinnermut Naalakkersuisuuvoq. Taassumalu aningaasanik agguaassinissap Kalaallit Nunaannut nunneqarsimanera nuannaarutigaa:

- Kalaallit nukittunerusumik inissisimanissaat pingaaruteqartoq

- Nunatsinneersut, Nunanit Avannarlerneersut Issittumilu nunanit allaneersut periarfissaq atorluarlugu Issittumi suleqatigiinnissamut suliniutinut qinnuteqarluarnissaat neriuutigeqaara.

- Nunani Avannarlerni Issittoq pillugu suleqatigiittoqarnerani kalaallit nukittunerusumik inissisimanissaat nunatta pitsaasumik isigigaluaraa, akerlinganik programmip pingaaruteqassusaanik pitsanngorsaasoqarnissaa kissaatigineqarpoq, soorlu nunat avannarliit suleqatigiinneranni Issittup ineriartortitseqqiffiunissaanut tunngatillugu. Tamanna ajunngitsutut isigaara, Kalistat Lund oqarpoq.

NAPA, Nordens Institut i Grønland Ilisimatusarfillu qinnuteqaatinik aqutsisuussapput, Issittumilu suliniutinut aningaasaliiffigineqarnissamik qinnuteqaateqarnerit tamaasa isumagissallugit.

Nunat Avannarliit Siunnersuisoqatigiiffiat 2021-mi novembarip ulluisa aallaqqaataaniit sisamaata tungaanut73-issaannik Københavnimi naapeqatigiipput.