Nunat allamiut amerlanerusut aalisakkerivinnut
Polar Seafood aamma Halibut Greenland nunat allamiunik sulisussaminnik tikisitsisalerniarput. Kitaa Seafoodip Nuummi Filippiinerit takorloorpai.Tamarmik sulisussanik aalajaatsumik amigaateqarput
Royal Greenland nunatsinni suliffissuaatiminut sisamat tallimaasunut Kinamiunik Filippinerinillu 27-nik tikisitsinissamik pilersaarumminut persarineqarpoq. Aalisakkerivinnimi ataavartumik tunisassiorsinnaaneq Namminersorlutik Oqartussat aalisakkeriviutaanit pingaartinneqarpoq. AG aviisi allappoq.
Akissarsiat qaffanneqarnissaannik piumasaqarneq
Allaaserisani oqaaseqartut ilalersuisut akerliusullu imaaginnavissimapput, ingammillu SIK’p siulittaasua Jess G. Berthelsen akerliuvoq akissarsiat qaffasinnerunissaat sulisussanillu nuussisinnaaneq piumasaralugu, taamaalillutik sinerissami sumiiffinni allani suliffissaaleqisut suliffissaminnik neqeroorfigineqarlutik.
Tamannali aaqqiissutissaanngilaq, aalisarnermik suliaqartut allat taamak oqarput. Sulisussaqanngilaq.
Polar Seafood upernaamut Litauenimiunik qulinik tikisitsinissamik qinnuteqarami akuerineqarsimasoq, AG paasissutissiivoq.
Nuummi Kitaa Seafoodimi Litauenimiunik Asiamiunilluunniit sulisoqanngilaq, tamannali assut allanngortikkusuppaat.
Aalajaatsut
Ilulissani Halibut Greenlandimi pisortap Niels Thomsenip sulisunik aalajaatsuunngitsunik sulisoqarneq ilisimalluarpaa. Oqaluttuarpoq ungasinngitsukkut naatsorsuinermi paasineqartoq taamaallaat sulisut pingajorarterutaasa missaat aalajaatsutut taaneqarsinnaasut.
Aalisakkerivinni sulissaaleqineq pillugu allaaserisaq AG aviisimi tamakkerlugu atuaruk. Aviisi uani pisiassaavoq: