Skip to main content

Nunat allamiunut aqutsisoqarfik naaggaarpoq

Avissaartinneqarumanatik Islandimi katipallapput

Asanninnerup killeqarfiit apeqqutaatinngilai. Imaluunniit? Ilinniagaqartdoq Siri Paulsen angerlalerami aappani franskeq Nuummi nooqatiginiarmagu, aappa najugaqarnissamut akuersissummik tuniumaneqanngilaq, aappariit ukiuni marlunni USA-mi aappariissimagaluartut.

Ajornarnavianngikkaluarpoq. Arnap angut naapippaa, asannilerput ukiualunnguillu qaangiuttut nooqatigiinnialerput aasakkullu katissamaarlutik.

Siri Paulsenili aappaalu franskeq Guillaume Nuummut nooqatigiinnialeraluaramik taamaasiorsinnaanngillat, Naalagaaffeqatigiinni inatsisit paasissaanngitsut pissutigalugit.

Marluullutik ilinniarluarsimasuugaluarlutik, politikerillu siunissami kissaatigisarpiaattut ilinniagaqarsimanertik Kalaallit Nunaanni atorusukkaluarlugu, aqutsisunit angerlamut tikilluaqquneqarpallaanngillat. Akerlianik inuusuttut avissaartinneqarumanatik sorsuttariaqarsimapput, minnerunngitsumillu aningaasanik atuisariaqarsimallutik, franskip Kalaallit Nunaannut nuunnissaa Danmarkimi nunat allamiunut aqutsisoqarfiup itigartimmagu.

– Puaatsoorsimaqaagut. Isumaqarsimagaluarpugut qinnuteqaat imaasiallaannaq suliarineqartartoq. Ilami Kalaallit Nunaat sulisunik amigaateqarpoq inuusuttullu, qitornartaarnissaminnik pilersaarutillit, maannartikkusukkaluarlugit. Inuiaqatigiimmi iluamik ingerlanniartussaavagut, ajornartorsiuterujussuuvorlu ilinniakkaminnik naammasinnerlaat uteqqusaanngippata. Itigartinneqaratta nakeriallannaqaaq, Siri Paulsen oqarpoq.

Allatut eqqarsartariaqalerput. Aappariillu taamaasiorput. Oqaluttuaq tupinnartoq eqqarsarnartorlu AG-mi sapaatip akunnerani saqqummersumi atuaruk, taannalu ataani pisiarisinnaavat.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER