Skip to main content

Nunassittartut ilinniarsimanngitsut amerliartuinnarput

Politikkimi amerlanerussuteqartut qimaasunik ikittunik tiguserusunngillat. Tamanna peqatigalugu Kalaallit Nunaannut nunassittartut, aamma sulisartut ilinniarsimanngitsut, amerliartuinnarput

Tusartuaannartarsimavarparput: Sulisartunik nunat allamiunik tikisitsisarneq unitsinneqassaaq, taarsiullugulu nunaqavissunik atorfinitsitsisoqartassaaq. Taamaakkaluartoq inuit nunat allamiutut innuttaassusillit nunassittartut amerliartuinnarput.

Tamanna takuneqarsinnaavoq Kalaallit Nunaanni Naatsorsueqqissartarfimmit kisitsini kingullerni, AG-p misissoqqissaarsimasaani.

Pingaartumik islandimiut, filippinerit thailandimiullu ukiuni kingullerni Kalaallit Nunaanni najugaqarnissaminnut akuerineqartarsimapput.

Ukiut tallimat matuma siornatigut thailandimiut filippinerillu nunatsinniittut 240-uusimapput. Ukioq manna juulip aallaqqaataani innuttaasut nunanit taakkunannga marlunneersut 325-t nalunaarsorneqarsimapput. Tassa ukiut tallimat ingerlaneranni 35 procentimik amerleriarlutik.

Naatsorsuutigineqarpoq nunassittartut ilarpaalui ilinniarsimanngitsuusut, tamakkualu kiffartuussinermik ingerlatsivinni sulisorineqarnerusartut - pisiniarfinni, akunnittarfinni neriniartarfinnilu. Kiisalu eqqiaanermik. Tassa atorfinni nunaqavissunit inuttalerneqarsinnaagaluartuni.

2011-mi islandimiut 117-t Nunatsinni najugaqarsimapput. Ullumikkut 191-inut amerleriarsimapput.

Allaaserisaq AG-mi normu 38-imi atuaruk, taannalu pisiniarfinni imaluunniit uani elektroniskertaa pisiarisinnaavat:

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER