»Nunasiaatilik inussiarniitsoq«
Qanga pisimasut Danmarkimut kamaatigineqarput. Kinguaariinni kingullerni ilaasup, politikkikkut nuimasup oqaasertalerpaa: - Suut tamarmik qulaajarneqartariaqarput, oqarpoq.
Qanga pisimasut Upernaakkut ataatsimiinnermi 2022-mi qulaajarneqarput. Maanna nalunngilikkagut. Spiralilersuineq qaqilerneqarmat pisimasut allat tujojrminartut malinnaapput, nunasiaataasimanermi pisimasut oqaluuserineqartussani pingaarnertut inissipput.
Aviisi AG taama allappoq.
Qanga pisimasut siullermeertumik oqaluuserineqalinngillat, aatsaalli inuiaqatigiinniit aallartiffeqarpoq. Pisimasut qanoq sunniuteqartiginersoq Inatsisartuni Upernaakkut ataatsimiinnermi sapaatip akunnerata siuliani eqqartorneqarpoq. Demokraatit siulittaasuata Jens-Frederik Nielsenip misigissutsit oqaasertalerpai peqaapajaaminiillu Siumumeersumit Kuno Fenckerimit nersualaarneqarluni taamaaliornerminik:
- Qattuppakka oqaluttuat Danmarki nunasiaateqarnermini inussiarnersuusimasoq, Jens-Frederik oqarpoq, nangipporlu: - Qattuppakka qallunaat, oqaluttuarisaaneq ima saatittaraat, uagut kalaallit qujamasuttariaqartugut Danmarkimut, Danmarkip uagut kalaallit piitsuunitsinniit annaassimammatigut aammalu nunasiaateqartut allat tamarmik Danmarkimiit ajornerujussuusimasut. Eqqortormi unaavoq, arlaannattaluunniit ilisimanngimmagu, Kalaallit Nunaat ullumikkut qanoq isikkoqassagaluarnersoq, Danmarkip ukiut 300-t matuma siorna tigusimanngitsuuppatigut.
- Akerlianilli ilisimavarput, Danmarki qajassuussisumik oqaatigalugu Kalaallit Nunaannut kalaallinullu pitsaanngitsumik iliuuseqarsimasoq. Spiraalilersuineq, inatsisitigut ataataqanngitsut meeqqallu misiliutaasimasut assersuutissatsialaapput. Taakku kusanaatsuliat assilissamik allarluinnarmik isiginninnermillu allarluinnarmik takutippaatigut. Danmarki nunasiaateqarsimasutut ajunngitsuusimanngilaq, suullu tamarmik ajunngitsussaq pillugu iliuuserineqarsimanngillat.
Aviisimi AG-mi atuarnerusinnaavutit. Aviisi uani pissarsiariuk:
