Nunasiaataasimaneq pillugu saqqummersitsineq Nordatlantisk Bryggemi ammarneqalerpoq
Nordatlantisk Bryggemi eqqumiitsuliat Atlantikumi-mik taaneqartut 24. september saqqummersinneqalerput. Saqqummersitsinermi Jessie Kleemannip suliai saqqummersitanut ilaassapput.
Nordatlantisk Brygge ukiakkut saqqummersitsinini Atlantikumi arfininngorpat 24. september ammassavaa.
Saqqummersitsinermi eqqumiitsuliortut pingasut suliaat saqqummersinneqassapput: Jessie Kleemann, Jeannette Ehlers aamma Pia Arke.
Eqqumiitsuliat Nuuk Eqqumiitsulianik katersugaasivimmi ukioq 2021-mi saqqummersinneqarsimapput.
Atlantikoq qulaallugu attaviit
Nunasiaataarneq pillugu oqaluttuarisaanermut eqqumiitsuliortut pingasut namminneerlutik isummersuuteqarsimapput.
Suliaanni inuit ataasiakkaat oqaluttuaat nunasiaataarnerullu oqaluttuarisaanera avissaartitassaanatik atalluinnarput. Kalaallit Nunaanniit Danmarkimut, aamma Danmarkimiit Caribiamut atlantikup imartaa qulaallugu attaviit takuneqarsinnaapput.
Eqqumiitsuliortut pingasuusut tamarmik imaq qitiutillugu eqqumiitsuliaminni suliaqarsimapput. Imaq atalersitsillunilu avissaartitsivoq. Imaatigut aallartoqartarpoq angerlaqqittoqartarlunilu, piumagaanni piumanngikkaanniluunniit.
Nuummiit Nordatlantisk Bryggemut
Saqqummersitsineq Atlantikumi Nuummi Eqqumiitsulianik katersugaasivimmi ingerlanneqareersorlu, Nordatlantisk Bryggemi annertuninngorlugu saqqummersitsisoqalerpoq.
- Atlantikup imartaa qulaallugu Nuummi Eqqumiitsualianik saqqummersitsiviup suleqatigisimasinnaanera Nordatlantisk Bryggep nuannaarutigaa, Nordatlantisk Bryggemi pisortaq Karin Elsbudóttir oqarpoq:
- Købehavnip qiterpiaani Atlantikumi saqqummersinnissaa qilanaaraarput.