Skip to main content

Nunarsuarmit tamarmeersut Kullorsuarmi aasaanerani tammaarsimaaqatigiittut

Kullorsuaq aasaanerani tammaarsimaarfimmi Camp Kullormi meeqqanut namminerlu kajumissutsiminnik suleqataasunut sapaatip-akunnerini marlunni nunat tamalaat akornanni nuannaffiuvoq. Najukkameersoq Susanne Eliassen ukioq manna tammaarsimaarfimmi aqutsisuuvoq alutorsaatiginnittorujussuullunilu.

Nammineq kajumissutsiminnik suleqataasut nunarsuarmit tamarmeersut aasaanerani tammaarsimaffimmik, illoqarfimmi meeqqanut inuusuttunullu arsaannermik, basketballimik, høvdingeboldimik, ujaqqanik qalipaanermik, pinnguaatinik, legoni assigiinngitsunillu allanik pinnguaateqarfiusunik, pilersitsinera nunaqarfimmiunut tamanut nuannisarfiuvoq.

MÅ KUN BRUGES I RELATION TIL FORENINGEN GRØNLANDSKE BØRN
Peder Trolle

Timersuutit ilisimaneqarluartut saniatigut aamma nammineq kajumissutsiminnik suleqataasunik nunat tamalaat akornanneersunit qulingiluanik, Serbiamit, Tjekkiamit, Hong Kongimit, Mexicomit, Estlandimit Danmarkimillu aggersunik, kulturikkut paarlaasseqatigiinnerit ingerlanneqarluarsimapput.

Pisut allanarnerusut ilaat tassaavoaqq Mexicomiut Piñataliannik suliaqarneq (Mexicomiut pappimik nappartaliarisartagaat anaalerivissiornermi nappartaliarineqartartumut assingusoq), tamatumanilu peqataasut Mexicomi ileqqumik taassuminnga tamatuma peqatigisaanik tusartinneqarlutik.

Kajumissutsimik suliaqartumit tammaarsimaffimmi aqutsisumut

Nukiit aasaanerani tammaarsimaffimmut tunuliaqutaasut ilaat tassaavoq 27-nik ukiulik Susanne Eliassen, Kullorsuarmi nunaqartoq, siornalu aasakkut nammineq kajumissutsiminik suleqataasoq, tassanilu ernera sisamanik ukiulik Ilannguaq Camp Kullormi peqataalluni.

Susanne ukioq manna tammaarsimaffimmi aqutsisut marluusut aappaattut akisussaaffimmik tigusisimavoq.

- Aasaanerani tammaarsimaffimmik aaqqissuusseqataaneq nuannarisorujussuuara, aamma nammineq kajumissutsimik aqutsisuuneq ilikkagaqarfigisorujussuuara. Nammineq kajumissutsiminnik suleqataasunik nunanit allaneersunik taama amerlatigisunik naapitaqarluni pissanganartuuvoq, aamma ataqatigiilluarpugut taakkualu ilaat uannut ilaqutaasutulluunniit oqaatigineqarsinnaapput, Susanne oqaluttuarpoq.

Camp Kulloq qaammatini arlalinni pilersaarusioqataaffigisimavaa maannalu ingerlatseqataaffigalugu. Kulturikkut paarlaasseqatigiinnerup peqataasut ilarpassuinut misigisarujussuunera erseqqissaatigaa.

-Qanoq najugaqarnitsinnik inuunitsinnillu, kulturittalu qanoq ittuuneranik, immitsinnut oqaluttuullutalu takutittarpugut. Nammineq kajumissutsiminnik suleqataasunut nunanit allaneersunut qilalukkap qernertap neqaanik, mattaanik puisillu neqaanik sassaalliuteqarsimavugut. Taakkua aamma nerisassaatimik ilaannik nerisassiorput, Susanne Eliassen oqarpoq.

Nunaqarfimmiut tamarmik nuannannerat

Tammaarsimaffik pingaartumut meeqqanut inuusuttunullu tunngasuugaluartoq, nunaqarfimmiut tamarmik tikilluaqqusaasut, tammaarsimaffimmi aqutsisut aappaat, Maria Brix Rasmussen Danmarkimeersoq, oqaluttuarpoq.

- Pingaartumik meeqqanut inuusuttunullu tunngasuuvoq, kisianni inersimasorpassuarnik aamma takkuttoqartarpoq. Alapernaaseriartorlutik aammali meeqqatik peqatigalugit sammisassanut ataatsimoorussanut peqataajartorlutik. Misigissuseq immikkuullarilluinnartuusoq isumaqarpunga, tamannalu nammineq kajumissutsimik suliaqartut innuttaasullu akimorlugit ataqatigiilluarnermik pilersitsivoq, taanna oqaluttuarpoq.

Camp Kulloq 2023 juulip 8-ani naggaserneqarpoq inuulluaqqusilluni nuannisaqatigiinnersuarmik nunaqarfimmiunullu tamanut ataatsimut pinnguaqatigiissitsinermik. Ilaatigut peqatigiiffik Kalaallit Meerartaat tammaarsimaaqatigiinnermik aaqqissuussivoq. 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER