Nunarsuarmi ujakkaarluni arpannerit sakkortunersaat aallartippoq

Ujakkaarlutik arpattartut 231-iusut nunanit assigiinngitsunit 16-ineersut arpaffissagissaaqalutik, Sisimiuni ACR-imi aallarfissaq qimaqqammerpaat.

Taakku arpaffiup immikkoortua siulleq 56,6 kilometeriusoq arpassavaat - akunnerup naanerata sinnerani 48,5 km. aamma 54,9 km. arpassavaat.

Arpaffiit siulliit (tallimanngorneq arfininngornerlu) tuperfimmi campimi naammassissaaq, taanna ukioq maanna nuunneqaqqissimavoq, illoqarfimmiillu 18 kilometerisut ungasitsigisumiilluni Majoriap eqqaani.

Mølleri unammillerteqanngitsoq?
Ukioq manna ajugaasussatut Martin Mølleri NSP-meersoq ilimagineqaqqippoq.

Siorna taanna Karl-Peter Kristensenimit (Aasiaat/Norge) ajugaasup tulliusumit unammillerneqarpoq.

Kristensen ACR 20-issaaneerneqarneranut ajoqusernini pissutigalugu peqataalinngilaq.

Martin Mølleri ilaatigut Tjekkiamiut arpattartunit marlunnit aamma unammillerneqarnavianngilaq. Taamaattumillu ukiormanna NSP-imi arpattartumut qanimut unammillertussaqanngilaq.

Qularinngikkaa
Sermitsiaq.AG-p ajugaasussatut ilimagineqartoq naatsumik aperaa, ukioq manna unammillertissaqannginnerunersoq.

- Tupaallannartoqarnissaa ilaatinngitsoorsinnaanngilara. Uani arpannermi qularnaatsoqanngilaq, aamma arpattartunik nukittoorpassuarnik peqataasoqarpoq, Martin Møller Nuummeersoq akivoq.

ACR-imit nutaarsiassat kingulliit:

• Assit takukkit: Kunngissaq seqinnarimmi ACR-imi ingerlaqatigiinnermut peqataasoq
• ACR-imi aallartinnermi isiginnaartut 4.000-t neriuutigai