Nunarsuarmi takutitseqqaarneq: 'Anori' nipituumik ersaartaanneqartoq

Pipaluk Kreutzmann Jørgensenip filmiliaminik 'Anori'-mik isiginnaartut eqqorluarpai

Katuami inersuarmi ulikkaaqqasumi ersaartaattoqarnerani Pipaluk Kreutzmann Jørgensen malunnartumik attortisimavoq.

Nuuk International Film Festivalip aappassaaneerneqarnerata naammassineqarnera nalliuttorsiutigineqarnera pitsaanerusumik immaqa naammassineqarsinnaanngingajappoq.

Pipaluk Kreutzmann Jørgensenip, FILM.gl-imi siulittaasoq aamma festivaalimi pingaarnertut ingerlatsisut ilaata, filmiliani siulleq ‘Anori’ takuteqqaarpaa. Filmi ukiuni arfineq-pingasuni suliarineqarpoq, taamaattumik ilitsersuisoq festivaalip naggataarnersiorneqarnerani malunnartumik pissangavoq.

Filmip aallartinnerani ilitsersuisup aqqa saqqummermat, Hans Lyngep inersuaani ersaartaattoqalereerpoq.

Taavalu erinarsortartup Anorip (Nukâka Coster-Waldau) aamma sakkutooq imarsiortup Inuup (Angunnguaq Larsen) asanninnerannit oqaluttuaq takutinneqarpoq, tassani Inuup ikinngutaa Malik (Ujarneq Fleischer) oqaluttuami qitiusumik inissisimalluni. Aallaqqaataani alianartoq pivoq, tassani Inuk ajutoornermini iternaveerluni ilisimajunnaarpoq. Kingorna filmip ingerlarga kingumut qiviaqattaarnernik oqaluttuarineqarpoq, qiviaqqaarnermiillu oqaluttuaq allaaneruvoq, taannalu nammineq nammineq oqaluttuassartaqarpoq.

Oqaluttuaq malunnartumik isiginnaartunik attuivoq.

Pipaluk Kreutzmann Jørgensenip filmip naanerata kingorna isiginnaartitsisarfimmut qaqiartunnginnerani isiginnaartitsisartut Angunnguaq Larsen, Nukâka Coster-Waldau aamma Ujarneq Fleischer eqitaarneqarput.

Taamaattumik filmip naanerata kingorna Pipaluk Kreutzmann Jørgensen isiginnaartitsisarfimmut qaqimmat nikuilluni ersaartaattoqarnera tupinnanngilaq.

Filmiliornermi peqataasut sinneri isiginnaartitsisarfiliartinneqarmata a aamma ersaartaattoqarpoq.

Nikuilluni ersaartaattoqarpoq Nukâka Coster-Waldau, Unarjeq Fleischer og Angunnguaq Larsen lytter mens Pipaluk Kreutzmann Jørgensen fortæller om filmen Hele filmholdet på scenen Blomster venter på at blive delt ud
Powered by Labrador CMS