Nunarsuarmi immap naqqatigut kaajallattariaq siulleq ammarneqartoq
Savalimmiuni immap naqqatigut sullorsuit pingajussaat ammarneqarsimavoq. Taanna nunarsuarmi immap naqqatigut siullersaalluni kaajallattariaqarpoq. Kaajallattariaq nunanit tamalaanit maluginiarneqarsimavoq, takornariaqarfiulluarnissaalu naatsorsuutigineqarluni.
Savalimmiuni sanaartukkat annersaasa ilaat naammassillugu suliarineqaqqammerpoq. Tassalu immap naqqatigut sullorsuaq 11,2 kilometerisut takitigisoq, Savalimmiuni qeqertat marluk annersaannik Eysturoy-mik aamma Streymoy-mik ataqatigiissitsisoq.
Sullorsuaq tunngavimmigut Savalimmiuni atassuteqaatinik allannguisussaavoq, pissutsinullu allanut annertuumik sunniuteqassalluni. Thorshavnimiit sullorsuup killinganit aallartiffeqarftumik illoqarfinnut Runavikimut Strendurimullu aqqut 55 kilometeriusoq naannerulerluni 17 kilometeriinnannngorpoq.
Ingerlaarnermi piffissaq atorneqartartoq 64 minutsiniit 16 minutsinut sivikkillissaaq. Savalimmiuni illoqarfiit annersaata Thorshavnip illoqarfiillu annersaasa tulliata Klaksvikip akornanni aqqut atorlugu 68 minutsit atorneqartartut 36 minutsinut sivikillisinneqassaaq.
Suliaq katillugit 1 milliard koruuninik akeqarsimavoq.
- Manna pisoq inuiaqatigiittut oqaluttuarisaanitsinni annersat ilagaat, naalakkersuisut siulittaasuat Jørgen Niclasen, sullorsuaq arfinginngormat decembarip 19-iani ammaanersiorneqarmat aqqusinernik isumaginnittuusoq oqarpoq.
Immap iluani 73 meteriusumik aaqqiissuteqartoqarsimasoq
Sullorsuup qeqertat annersaasut marluk imminnut atassuteqartileraluarai, pisortat ingerlatseqatigiiffiutaata P/F Eystur- og Sandoyartunnlarip, nutaaliorluni Eysturoy-mi illoqarfiit immap naqqatigut kaajallattarialiorluni atassusersimavai.
Kaajallattariaq suliarineqarsimavoq, sullorsuup kangiata tungaani kangerloqarmat akileriittut illoqarfilimmik. Sullorsuaq marlunngorlugu avinngeqarsimavoq illoqarfiit marluk taakku sullissinnaaniarlugit.
Immap naqqatigut kaajallattariaq 73 meterisut ititigisumiippoq, nunarsuarmilu immap naqqatigut kaajallattariaalluni siullerpaaq.
Edvard Grøv, sullorsualiornermi professoriusoq aamma Savalimmiuni immap naqqatigut sullorsuarnut pingasuusunut attuumassuteqartoq oqarpoq, Norgemi marlunnik sullorsuaqartoq, taakkuli immap naqqatigooratik qaarsuni suliarineqarsimasut.
- Nalunngisakka malillugit immap iluani kaajallattariaq taanna siullersaavoq, tamannalu immikkuullarissuuvoq. Taamaammat ornigarluarneqassasoq ilimanarpoq, Edvard Grøv Kringvarp Føroyamut oqarpoq.
Takornarianit ornigarluarneqassangatinneqartoq
Sullorsuup qaammaqqutaasa pinnersarneqarnerat suliarineqarluarsimavoq. Suliassaq tamanna Savalimmiuni eqqumiitsuliortup Tróndur Paturssonip isumagisimavaa, suliaallu imminerminni kusanarluinnartuupput. Inuit sullorsuup sukarsua kaavillugu qitillutillu erinarsortut tassani assitaliunneqarsimapput.
Kaajallattariaq nunat tamalaat tusagassiorfiinit maluginiarneqarlualereersimavoq, The Guardianillu kaajallattariaq ”en stor vandmand”-imik taaguusersimavaa.
- Sullorsuaq qularnanngitsumik Savalimmiunut takornariarusutsitsilissaaq, sullorsuaq sutigut tamatigut nuaaliorneruvoq, minnerunngitsumik eqqumiitsuliornermut atatillugu, Jørgen Niclasen oqarpoq.
Sullorsuit sisamassaat suliarineqartoq
Allerede inden tunnelen mellem Eysturoy-p Streymoy-llu akornanni sullorsuassap suliarineqarnera suli naammassineqanngitsorli, Streymoy-p Sandoy-llu akornanni immap naqqatigut sullorsuassaq qillerlugu aallartinneqarsimavoq.
Sullorsuaq taanna 11 kilometerisut takissuseqassaaq, pisortallu ingerlatseqatigiiffiutaata siuliani pineqartup sullorsuit marluk taakku suliaraat. Sullorsuup taassuma aamma en milliard koruunit missaannik akeqarnissaa naatsorsuutigineqarpoq.
Biilit 6000-it missaanniittut køretøjer forventes at køre mellem Eysturoy-p Streymoy-llu akornanni ullormut ingerlaartassasut naatsorsuutigineqarpoq. Sullorsuakkoornermi isertinneqartut Sandoy-mut sullorsuassaq akilissavaat.
Skandinaviami suliffeqarfik NCC sullorsualiorsimavoq, suliffeqarfiullu taassuma Sandoy-mut sullorsuassaq suliaralugu aamma aallartereerpaa.