Skip to main content

Nunarput tamakkerlugu SMS'it internettimullu attaveqaatit ajortut

Tele-Posti ullumi internettimik ajornartorsiuteqarpoq, oqarasuaatillu angallattakka aamma SMS'ersinnaasimanatik. Nalunaarutigineqarporlu internetti SMS'ilu iluarsisimasut. Taamaattoq attaveeruttaqattaarsinnaallutik.

Danmarkimi routeri ippassarli ajorteqattaalersimavoq. Ullaarli ajortivissimavoq tamatumalu kingunerisaanik amerlasuut internettersinnaasimanngillat aammalu ilaatigut e-mail'inik nassitsisinnaanatillu tigusisinnaasimanatik.

Internettimut attaviit allakkoortinneqartut

Tele-Post paasissutissiivoq, internettimut attaviit Canadakkoortinneqarniarsimavoq, tamatumalu kinguneraa atuisut ilaat internettimik atueqqissinnaalersimanerat.

- SMS'imut kiffartuussivik attaveerutivissimavoq. Kisianni massakkut iluarsereersimasussaangaluarpoiq, Tele-Postimi attaveqatigiinnermut pisortaq, Arnakkuluk Jo Kleist, oqarasuaatit angallattakkat sianerniarnerinut akornuteqanngitsut qularnaveqqutigalugu, Sermitsiaq.AG-mut paasissutissiivoq. 

Teknikerit ulloq tamaat attaviit Canadakkoortinneqalernissaat sulissutigisimavaat, taamaasilluni atuisut tamarmik internettimut attaveqaqqissinnaalissammata. Kisianni atortorussaarutit attaveeruteqattaarallarsinnaapput.

Qanoq sivisutigissanersoq nalunartoq

Attaveqatigiinnermut pisortap paasissutissiarisinnaanngilaa, teknikerit qaqugu ajutooqqanermik aaqqiissuteqarnissaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER