Skip to main content

Nunarput Savalimmiullu Issittumi Siunnersuisoqatigiinni oqaasissaqartinneqarnerulersut

Ministeriuneq naapertorlugu Naalagaaffeqatigiinni ataatsimiititaliap nutaap Kalaallit Nunaat Savalimmiullu "periarfissaqartinneqarnerulissavai".

Kalaallit Nunaat Savalimmiullu Issittumi Siunnersuisoqatigiinni sunniuteqarnerusalissapput, ministeriuneq Mette Frederiksen (S) sisamanngornermi naalagaaffeqatigiit ataatsimeeqatigeereersut oqarpoq.

Attaveqaatitut ataatsimiititaliaq naalagaaffeqatigiinni naalakkersuisunik atorfilittanillu inuttalik pilersinneqassaaq, tassani sillimaniarnermut illersornissamullu tunngassuteqartut immikkut qitiutinneqassallutik.

- Tamanna pissutsit allanngorsimanerannut atatillugu isigineqassaaq, Naalagaaffeqatigiinnerlu taamatuttaaq pissutsinut malinnaatinneqartariaqarpoq, ministeriuneq Mette Frederiksen oqarpoq.

Kalaallit Nunaanni nutaanik naalakkersuisoqalermalli naalagaaffeqatigiit siullermik ataatsimeeqatigiipput.

Taamatut alloriartoqarnissaa qangali kissaataasoq

Naalakkersuisut Siulittaasuata Múte Bourup Egedep Savalimmiut Kalaallillu Nunaata Naalagaaffeqatigiinni sunniuteqarnerulernissamut periarfissinneqarnerat nuannaarutiaa.

- Jeg er glad for, at vi får en større og mere central rolle. Det har længe været ønsket i Grønland, siger Múte Bourup Egede.

Sisamanngornermi naalagaaffeqatigiit ataatsimeeqatigiimmata Savalimmiuni lagmandi Bárður á Steig Nielsen Naalakkersuisullu Siulittaasuat Múte Bourup Egede peqataapput.

Danmarkimi, Kalaallit Nunaanni Savalimmiunilu naalakkersuisut siuttui naalagaaffeqatigiit ataatsimeeqatigiinnerannut peqataasarput, ukiumullu ataasiarlutik ataatsimeeqatigiittarlutik. Nunat paarlakaallugit ataatsimiiffiusarput, ataatsimeeqatigiinnermilu naalagaaffeqatigiinni pissutsit atuuttut oqaluuserineqartarlutik.

Illersornissamut isumaqatigiissut uivertitsisoq

Naalagaaffeqatigiit ataatsimeeqatigiinnissaat qanilliartortoq Issittumi Atlantikullu Avannaani illersornissaqarfik nukittorsarniarlugu danskit illersornissamut isumaqatigiissutaat kalaallinut uivertitsisimavoq.

Pele Broberg, nunanut allanut naalakkersuisuusoq marlunngormat oqarpoq, KNR naapertorlugu Kalaallit Nunaanni politikkerit qulaatiinnarlugit isumaqatigiissuteqartoqarsimasoq.

- Siunneqartumik pitsaasumillu oqaloqatigiittoqarpoq, Múte Bourup Egede danskit politikkerit suleqatigineqarnerat pillugu sisamanngormat oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER