Nunarput nunanut allanut politikkikkut Kinami nukersorpoq

Naalakkersuisut oktobarip naanerani Kinaliaramik, pissaaneqarnerinnapajaat peqataapput. Naalakkersuisut siulittaasuat, nunanut allanut naalakkersuisoq aatsitassanut naalakkersuisumit aamma niunermut inuussutissarsiornermullu naalakkersuisumit ingiorneqarput.

Naalakkersuinikkut suliaqarnikkut taama qaffasitsigisumik inissisimasut aallartitat siullermeerlutik Kinamut tikeraarput. Tamannalu nalaatsornerinnaanngilaq, Camilla N. Sørensen Forsvarsakademietimeersoq naliliivoq.

Atuaruk: Kinami suliffeqarfinnik nittarsaaniarluni angalaneq iluatitsiffiulluartoq

- Namminersorlutik Oqartussat Kinamut atassutitik nukittorsarusuppaat, taanna oqarpoq.

Danskit marloqiusamik pissusilersornerat
Atuakkap ‘Greenland and the International Politics of a Changing Arctic’ saqqummiunneqarneranut atatillugu taakku oqaatigineqarput. Atuakkami atuakkiortut arlallit Kalaallit Nunaata nunanut allanut politikkikkut namminersornerulluni iliuuseqaleriartornera misissoqqissaarneqarpoq.

Danmarkip kalaallit soqutigisaasa qanoq sinnerlugit saqqummertarnerat Nuummi naammagineqannginnera, Camilla N. Sørensenip maluginiarpaa. Taamaattumik Naalakkersuisut Kinamut toqqaannartumik attaveqaatinik, ilaatigut København avaqqullugit pilersitsinissamik kissaateqarput.

- Kinamut atassuteqarnermut tunngatillugu danskit pissaaneqarnikkut makitaniarnerat aamma marloqiusamik pissuseqarnerat ilimagaara, taanna oqarpoq.

Atuaruk: Kinamiut Kangilinnguit pisiariumagaluarpaat

Danmarkip illuanik Kinamut qanimut atassutini paarsarai, illuanillu Kinap Kalaallit Nunaanni annertuumik sunniuteqalernissaanik ernumassuteqarnermik oqariartuuteqartoqarpoq, taanna naliliivoq.

Kina toqqaannartumik atassuteqarusuppoq
Ingammik aatsitassarsiornermut tunngatillugu, kalaallit isaannik Kina suleqatissatsialaavoq. Kinami naalagaaffiup ingerlatseqatigiiffii aningaasaateqarluarlutillu ilisimasaqarluarput.

Kingullertigut tamanna Kuannersuarni suliniummi takutinneqarpoq, Kinamiut aningaasaliissuteqaannaratik aamma teknologiiminnik aatsitassat misileraanermi piiarneqartunut annertusititsipput.

Og den grønlandske interesse modsvares af en tilsvarende interesse fra kinesisk side. For Kina spiller Arktis nemlig en stadig større rolle i deres strategiske fokus. Landet definerer sig som nær-arktisk stat, der som sådan har naturlige interesser i Arktis.

- Kina viser en tydelig interesse i at knytte bilaterale forbindelser til de arktiske stater inklusive Grønland, siger Camilla N. Sørensen.

Danskit ernumanerat
Kina siornatigut Kalaallit Nunaannut tunngatillugu mianersortumik danskit tutisoornaveersaarlugit pissusilersortaraluarput. Kisianni maanna nuna sapiinnerusumik sassarnissamut piareersimaneruvoq, tamannalu Naalakkersuisut ukiaq tikeraarnerisa naqissuserpaa.

Kinap Nunattalu akornanni ataqatigiinnerup nukittornera Københavnimi nunanut allanut ministeriaqarfimmi ernumassuteqartoqarneranik malitseqarpoq.

- Kinamiut aningaasaliissutaat annertuut Kalaallit Nunaata aqussinnaassaneraat ernumassutigineqarpoq, Camilla N. Sørensen naliliivoq.

- Aningaasaliissuteqartoqarneratigut politikkikkut kimigiisertoqarsinnaanera ingammik ernumassutigineqarpoq.

Kinamiut aningaasaliisartui soqutiginnilermata Kangilinnguit tunineqarnissaat tassanngaannaq unitsinneqarmat, danskit ernumassutaat ersersinneqarpoq. Kingullermik kinamiut ilisimatusartarfimmik qaammataasanut atassutilimmik pilersaaruteqarnerat danskit ernumassuteqarfigaat.

Atuaruk: Kontreadmiralip kilitsissiatut sulisoqarsinnaaneranut aarlerisaaruteqarpoq

Piffissamilu aggersumi aaqqiagiinnginnerit tamakku takussaanerulissasut, Camilla N. Sørensen isumaqarpoq.

- Nuup Danmarkillu akornanni ataqatigiinnermi Kinamiunut tunngasut suli annerusumik sunniuteqarneruleriartussapput.

- Illuatungeriit taakku tamatuma oqaloqatigiissutiginissaa ilinniartariaqarpaat, ilisimatooq taama naliliivoq.