Nunarput nukissiuutinik piujuartitsisumik tunisassiortut akornganniittoq
Naatsorsuisimanerup nutaap takutissimavaa, Nunarput nukissiuutinik piujuartitsisumik tuniassiortutut siuttut akornganniittoq. Nunat taamatut tunisassiortut akornganni normu 8-tut inissisimavoq.
Compare the Market-ip Australiameersup misissuisimanera upperissagaanni, Nunarput nunaarsumi nunat piujuartitsinerpaat akornganniippoq.
Nunarput inunnut én miliuuniusunut erngup nukinganik nukissiorfimmiit 1.614 meqagawatt-imik tunisassiortarpoq, taamaalillunilu nunarsuarmi inummut ataatsimut minguinnerpaamik nukissiuummik tunisassiortut arfineq-pingasut akornanniilluni.
Nukissiuutinik assigiinngitsunik arfinilinnik atuisuni nunat nunarsuarmi minguinnerpaamik atuisut tulleriiaarneqarsimapput. Nunarput erngup nukinganik nukissiuuteqartut akornganni normu 7-itut inissisimavoq, Norge tassani pitsaanerpaalluni.
Nunat nukissiuutinik mingutsitsinnginnerpaajusunik tuniassiortut allattorsimaffianni qeqertaq sanilerput siuttuuvoq, Islandi, inunnut een miliuuniusunut 7.830 megawatt.imik tunisassiortarluni. Tassa Nunatsinni tamarmiusumi mingutsitsinngitsumik tunisarsiornermi inunnut een miliuuniusunut 1.614 megawatt-imik tunisassiortartumit pingasoriaataa sinnerlugu tunisassiortarami.
Nukissiuutit pillugit paasissutissat tamarmik 2021-mi Irena's Renewable Energy Capacity Statistics-imit pissarsiarineqarsimapput.
Misissuisimaneq tamaat atuarsinnaavat, una toorlugu