Mobilimit akiliineq

Nunarput minitaaratarsinnaasoq

Mobili atorlugu akiliinermut kiffartuussut Swipp matuppat, unammillertaa Mobilepay Kalaallit Nunaanni aamma Savalimmiuni innuttaasunut aaqqiissuteqareersimanissaa qularnarpoq

Mobilepay atorlugu Danmarkimi aningaasanik nuussisoqarsinnaavoq, aamma mobili atorlugu pisiniartoqarsinnaavoq

Mobilepay kalaallit savalimmiormiullu mobilimik atuisut kiffartuunnissaannut aaqqiissutissamik suli piareersimanngitsut, FinansWatch allappoq.

Kalaallit Nunaanni oqarasuaatit normuini kisitsisit arfiniliinnaat atorneqarmata, Danmarkimilu kisitsisit arfineq-pingasut atorneqarneranik tamanna pissuteqarpoq. Mobilepayip qarasaasiatigut systemia kisitsisit arfinillit atorlugit ingerlatsinissaminut suli piareersimanngilaq.

Aaqqiissutissaq sulissutigineqartoq, FinansWatch allappoq, kisianni Mobilepayip februaarip 28-at tikitsinnagu aaqqiissutissaqarnissani qulakkeersinnaanngilaa, tassanimi Swipp matuneqassaaq.

Kalaallit savalimmiormiullu atugaannut naleqqussaaniarunik qanoq akeqarumaarnersoq, Mobilepayip tusagassiorfinnut akisussaasuata Peter Kjærgaardip, FinansWatchimut ilisimatitsissutigaa.

Powered by Labrador CMS