Nunarput aatsitassarsiortitseqatigiiffinnik sullissinermini aningaasarsiorluartoq

Aatsitassarsiortitseqatigiiffiit pilersaarutigisamik suliarineqarnerinut Namminersorlutik Oqartussanit akiligassarpassuarnik nassinneqartarnertik naammaginartinngilaat. Malittarisassalli taama suliaapput, Naalakkersuisoqarfimmi pisortaq oqarpoq, isumaqatigaluguli aatsitassanut inatsisit ersernerlummat

6.303.896,42 koruunit. Aatsitassarsiortitseqatigiiffiit 2018-imi aamma 2019-imi ukiup sisamararterutaani siullermi oqartussanit sullinneqarnerminnut, siunnersortinik avataaneersunik atuinerminnut pikkorissarnernullu Namminersorlutik Oqartussanut taama amerlatigisunik akiliisimapput.

Allagaatinik takunnissinnaatitaanermut tunngasuni Sermitsiamit pissarsiarineqartuni taama allassimavoq.

Tassami inatsisit naapertorlugit aatsitassarsiortitseqatigiiffiit oqartussat imaluunniit oqartussat siunnersortaasa sullissinerminni piffissanut atuagaannut nalunaaquttap akunnerinut atorneqartunut akiligassinneqartussaapput.

Tamakku saniatigut aatsitassarsiortitseqatigiiffiit – piiaanissamut akuersissummik tunineqarsimagunik Namminersorlutik Oqartussani sulisunut pikkorissarnernut naleqquttunut akiliisussaapput.

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Powered by Labrador CMS