isorinninneq
Nunaqarfiup Royal Greenland sumiginnaasutut unnerluuppaa
Kitsissuarsuit tunitsiveqanngittuarsinnarput. Nunaqarfimmi ineriartorneq Royal Greenlandip unitsippaa tamannalu nunaqarfimmiunut aningaasarsiornikkut annertuumik kinguneqarpoq, nunaqarfiup siulersuisui isumaqarput. Royal Greenlandip unnerluussut tunuartippaa
Kitsissuarsuit, qeqertat Aasiaat Qeqertarsuullu akornanniittut, suli tunitsiveqanngittuarput, nunaqarfimmiunut 80-it missaanniittunut piniarneq aalisarnerlu pingaarnerusutut inuussutissarsiutaagaluartut.
Taamaattumik piniartut aalisartullu pisatik Aasiannut tuniartortariaqartarpaat. Tamanna pisarpoq ukiakkut sila allanngoraqisoq umiatsiaaqqanik mikisunik.
Siusinnerusukkut tassani tunitsiveeraqarsimavoq, Qeqertaq Fishimit pigineqartumik.
Tunitsivik tassaasimavoq containerit pingasut, taannali ukiuni arlalinnik matoqqasimavoq.
Piumasaqaatit naammassinngilai
Royal Greenland tunitsivimmik pilersitsinissaminik pilersaaruteqanngilaq. Sten Sørensenip, Royal Greenland A/S-imi ingerlatsinermut pisortap qullersatullu nunaqarfinnut akisussaasup, siusinnerusukkut oqaatigisimavaa tunitsivik nunaqarfimmiut pisiarisinnaagaat, nunaqarfimmi tunitseqalernissaa kissaatigigunikku.
Nunaqarfiulli siulersuisui isumaqarput innuttaasut aningaasatigut ilisimasatigulluunniit periarfissaqanngitsut, tinitsivimmik aallartitsiniarnermi ingerlatsinermilu unammilligassarpassuit qaangerniarnissaannut.
Royal Greenlandip qularutigaa tunitsiviup nerisassanik tunisassiornermut akuerineqarsinnaassasoq, tassa illup inissisimanera, atortulersorneqarnera, nalinginnaasumillu issusiata oqartussaasut piumasaqaataannik naammassinninngimmata. Tamatumunnga ilaatigut pissutaavoq tunitsivik nunamiimmat tiffasissumi, sissap eqqaaniinnani, aammalu Kitsissuarsuit naammattumik imeqanngimmata, imiliorneq pisarmat imaq tarajuiarlugu.
Oqaluttuaq tamaat Qaasuitsullu Kommuniani angisuumik mikisumillu pisut atuakkit. Ugeaviisi Tamanut Avannaani akeqanngitsumik aasinnaavat uani: