Nunaqarfiup eqqaani angummik maqaasineqartumik ujaasisoqarpoq
Ujaarineqartoq Finn Looqi Lange nunaqarfimmi Saqqami kingullermik takuneqarpoq marlunngormat unnukkut.
Finn Looqi Lange politiinit ujaarineqarpoq, taanna Saqqap talittarfiani marlunngormat nalunaaquttap 22-ip missaani takuneqarpoq.
- Issittumi Sakkutuut umiarsuaat Knud Rasmussen aamma Air Greenlandip qulimiguulia S-61 ujaasinermi peqataapput, politiit tusagassiutinut nalunaarummi allapput.
Saqqamit umiatsiaaqqamik pocamik aallarsimassasoq politiinit ilimagineqarpoq.
Umiatsiaaraq:
- Poca 550-mik 100 HK-mik aallarsimassasoq politiinit ilimagineqarpoq. Umiatsiaaqqami tallimanik puttaquteqarpoq, tallimanik baaliaqarluni, arlariinnik kisaqarpoq. Umiatsiaaqqap VHF-radioa aamma ajoqquteqanngilaq, politiit ilisimatitsipput.
Ujaarineqartoq sumiissimasinnaaneranik ilisimannissinnaasut politiinut nalunaaqquneqarput. Politiit oqarasuaammut 701448-mut sianerfigineqarsinnaapput.
