Nunaqarfinnit qimangussorneqarsimasut siunissaat pillugit eqqartorneqartut

Nuugaatsiami Illorsuarnilu innuttaasut siuniussami sumi najugaqassanerlutik nammineq aalajangissavaat.

Tamanna Naalakkersuisut aamma Qaasuitsup Kommuniata ippassaq Uummannami qimangussorneqarsimasunut ataatsimiisitsinerminni pingaarnertut oqariartuutigaa.

- Ilaatigut apeqqutigineqareerpoq nunaqarfigisasi nappaqqinneqassanngippata taava imaassanersoq maani Uummannami illunik sanaartortitsisoqassasoq, uanga akissutigaara matumani apeqqutaalluinnartoq ilissi eqqugaasusi sumiikkusunnerunersusi. Tamannalu aamma maani najornissinni ilissinnut toqqaannartumik oqaatigerusuppara. Ilissi oqartussaanerpaavusi ingerlariaqqinnissassinni sumi najugaqarusunnerunerlusi, Naalakkersuisut siulittaasuat Kim Kielsen oqarpoq.

Illorsuarnut Nuugaatsiamulli uteqqinnissaq ulorianarpallaartoq upalungaarsimanermik ataatsimiititaliap inerniussimangaa, Naalakkersuisut kingullermik tallormanngormat nalunaarutiaat.

Ved mødet blev det uddybet, hvordan man var nået frem til den konklusion.

Kim Kielsen (S) saniatigut, Aalisarnermut Piniarmut Naalakkersuisoq, Karl-Kristian Kruse (S) aamma Avannaata Kommuninngortussami borgmesterinngortussaq, Palle Jeremiassen (S) aammattaaq ataatsimiinnermi peqataapput.

- Suli suliassat amerlaqaat, kisianni nuannaarutigaara innuttaasunik naapitsinitsinni malunnarmat juunip 17-anni pisup kingorna innuttaasut alloriaqqinnissamut tunngasut pillugit isumaliutersornerat aallarteersimasoq, pigisaminnik erligisaminnik aallersinnaanissartik imminnullu pilersoqqilernissaminnut periarfissanut tunngasunik saqqummiussuiffigivaatigut, Kim Kielsen (S) oqarpoq.

Innuttaasunik ataatsimiititsinerup tullia Aasianni ullumikkut pisussaavoq, tassani oqaloqatigineqassallutik Aasiannut qimarngukkallarneqarsimasut.