Nunaqarfimmiut: Allaffissornikkut aqutseriaaseq nutaaq nunaqarfinnut ungasinnerulersitsivoq
Kommune Qeqertalimmi allaffissornikkut aqutseriaaseq nutaaq nunaqarfimmiut sullinneqarnerannut ajornerulersitsisimasoq, Attumi Iginniarfimmilu nunaqarfinni aqutsisut siulittaasuat oqarpoq.
Kommune Qeqertalik 2018-imi pilersinneqarmalli Inuit Ataqatigiit kommunalbestyrelsimi ulloq manna tikillugu amerlanerussuteqartarsimasut, allaffissornikkut politikikkikkut aqutseriaatsip nutaap, siornatigullu atorneqarsimanngitsup eqqunneqarnera ineriartortinneqarneralu siuttuuffigisimavaat.
Aviisi Sermitsiaq taama allappoq.
Kommune Qeqertalik naapertorlugu, aqutseriaaseq taanna kalaallit kulturiannut tulluussagaavoq, tassanilu akisussaaqataaneq peqataatitsinerlu pingaartinneqarput.
Borgmester Ane Hansenip aaqqissuussaaneq nutaaq arlaleriarluni nersualaartarsimavaa.
Sunniuteqanngitsut
Allaffissornikkut politikkikkullu aqutseriaatsip nutaap pitsaalluinnartuuneranik maannakkumullu iluatsilluarsimaneranik Ane Hansenip oqariartuuteqartarnera akerlerigini, Attumi Iginniarfimmilu nunaqarfimmi aqutsisut siulittaasuattut qinigaaqqittoq, nunaqarfiillu peqatigiiffianni KANUNUPE-mi siulersuisunut ilaasortoq, Per Ole Frederiksen, Siumut, oqarpoq.
- Nunaqarfinni innuttaasut nunaqarfinnilu aqutsisut misigisaat, borgmesterip saqqummiuttagaaniit allaanerupput, innuttaasunimmi akuunerulersitsinissamik siunertaqarneq maannakkumut iluatsissimanngilaq, taanna oqarpoq.
Aviisimi Sermitsiami atuarnerusinnaavutit. Aviisi uani pissarsiariuk: