Skip to main content

Nunaqarfimmiut ernumasut: Takussaasumik hashimik tuniniaasoqartarpoq

Qeqertarsuatsiaani inuusuttuunerusunut ikiaroornartumik tuniniaasartut politiinit nakkutigineqarnerulernissaat aamma akuttunngitsumik nunaqarfimmut misissuiartortarnissaat nunaqarfimmiunit kissaatigineqarpoq

- Ikiaroornartumik hashimik nunaqarfitsinni takussaasumik tuniniaasarneq aamma tamassuma ajornartorsiutaaleraluttuinnarnera isiginngitsuusaaginnarsinnaajunnaarparput. 

Qeqertarsuatsiaani innuttaasut ernumassuteqartut nunaqarfimmi februaarimi peqqinnissaq pillugu ataatsimeersuartoqarnerani taama allapput, Kommuneqarfik Sermersooq nittartakkamini ilisimatitsivoq.

Atuaruk: Qeqertarsuatsiaamiut imigassaq aamma hashi akiorniarpaat

Inuusuttut ajornartorsiuteqarput
Ataatsimeersuarnermi nunaqarfimmi innuttaasunit, nunaqarfimmi aqutsisunit, kommunimi politikerinit, politiinit aamma Namminersorlutik Oqartussanit peqataaffigineqartumi ikiaroornartup inuusuttunit atugaavallaanera eqqartorneqartut ilagaat.

Inuusuttut ingammik atornerluinermik ajornartorsiuteqarput. Taamaammallu ajornartorsiut iliuuseqarfigineqarniassammat Nuummi politiit nunaqarfimmukakulanerunissaat nunaqarfimmi innuttaasut kajumissaarutigaat.

- Inuusuttut hashpsykosernertik pillugu atuarnerminnik unitsitsiinnartartut taamatullu siunissami ilinniagaqalernissaminnik maanngaannartitsisartut arlaqarput, nunaqarfimmi innuttaasut arlallit ilaatigut iliuusissaaruttut taama kissaateqarput, oqarlutillu Nuummit ikiaroornartumik assartuisarneq umiatsianik akutsunngitsumik pisartoq.

'Inuusuttut amerlanerit ikiaroornartumik ajornartorsiuteqalissanngippata' politiit pakasaallutik misissuisarnissaat innuttaasut kissaatigaat.

Atuaruk: Ikiaroornartumik eqqussuisunut sakku nutaaq: Timimut skanneri aamma anarsaat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER