Nunaqarfimmi seqernup qinnguaanik katersuiveqarneq iluatsilluartoq
Nukissiorfiit Alluitsup Paani seqernup qinnguaanik katersuivimmik ikkussisimapput, katersuiviillu naatsorsuutigisamit ingerlalluarnerusut, nukissiuutileqatigiiffimmit oqaatigineqarpoq.
Nukissiuutileqatigiiffiullunilu pilersuisoqatigiiffik Nukissiorfiit arlalitsigut ataavartumik nukissiuuteqarnissaq sulissutigaa.
Sulissutigineqartut ilagaat erngup nukinganik nukissiorfissuit illoqarfinnik tamanik pilersuisut, aammali ingerlatseqatigiiffimmit mingutsitsinngitsumik nukissiuuteqarnissaq sulissutigineqarluni.
Nukissiorfiit ilaatigut Alluitsup Paani illuutiminnut seqernup qinnguaanik tigooqqaavinnik ikkussisimapput.
- Seqernup qinnguaanik katersuisartut Led Solar Greenlandimit pisiarineqartut aamma ikkussuunneqartut, maannakkut atuutilereerput ilimagisamit annertunerusumik kiisalu solarweb-imi takuneqarsinnaavoq atortut aammattaaq nioqqutissiorsinnaasut, naak nuiaqaraluartoq, Nukissiorfiit nittartakkamikkut oqaluttuarput.
Seqernup qinnguaanik tigooqqaaveqarnissamik suliniut 2023-mi annertusineqassaaq, tassani Tasiusaq Kujataaniittoq seqernup qinnguaanik tigooqqaavilerneqassagami.