isiginnaartitsineq
Nunaqarfimmi inuuneq pillugu isiginnaagassiaq nutaaq
Qaammat una isiginnaartitsisartunik nutaanik aappassaanik Nunatta Isiginnaartitsinermik Il- inniar aniit naammassisoqassaaq. Naammassis- sutigissuaallu isiginnaagassiaq alutornaavissoq
Ane Marie Ottosen, Kimmernaq Kjeldsen, Connie Kristo ersen og Najattaajaraq Joelsen-illu takutissavaat ”Arnatsialaat”, quujanarlunilu attortinnartoq Tomson Highwayip – Cree eqqilik Canadamiit, allagaa ”The Rez Sisters” malillugu isiginnaagassiaq. ”Arnatsialaat” Patti Shaughnessymit ilitsersorneqarpoq.
Isiginnaagassiami “Arnatsialaat/Rez Sisters”-mi pineqarput arnat arfineq marluk, tamarmik arlaatigut imminnut ilaqutariittut.
Atuaruk: Inuit aamma vikingit pillugit isiginnaagassiami pissanganartumi Coster-Waldau ilaasoq
Nunaqarfimmi inuuneq isiginnaagassiatut
Nunaqarfimmi piviusuungitsumi Serfalimmi najugaqarput, inuunerallu assigiiaaginnarmik ingerlasoq aalassatsinneqarpoq tusaramikku “nunarsuarmi bingo annerpaaq” Nuummi pilersoq, aalajangerlutillu ilaaffiginiarlugu.
Isiginnaagassiap suut tamaasa imarivai: ilungersuummernartut, quarsaaminartut minnerunngitsumillu quujanartut, taamaalillunilu aamma ilinniartunut naammassissutissatut piukkunnaavilluni.
Isiginnaagassiami isiginnaartitsisartunik sisamanik ilaqarput, taamaalillunilu arnatsialassuit arfineq marluk angummik ataatsimik ilallit isiginnaartitsisut takuneqarsinnaallutik.
Nuummit allaaserisat amerlanerusut Nuuk Ugeaviisimi saqqummeqqammersumi atuakkit