Skip to main content

''Nunaqarfimmi inuerutilersumi inuusuttuuneq ajornaatsuinnaanngilaq''

Sammisassaaleqineq suliffissaaleqinerlu Alluitsup Paani inuusuttunut ajortumik sunniuteqarput

– Ullut ilaanni ulloqartarpunga imaqarnanga aamma sunilluunniit suliassaqartutut misigisimananga, 19-ini ukiulik Bentiaraq Efraimsen Alluitsup Paaniittoq oqaluttuarpoq.


Ukioq´manna inuusuttut 15-init 25-nik ukiullit 30-t nunaqarfimmiuupput.

Mumittoq
Nunaqarfimmi inuussutissarsiuteqarfiunermigut ilisarisimaneqartumi suliffissaaleqisoqarpoq innuttaasullu qimarrallutik tamannalu inuusuttunut ilorraap tungaanuunngitsoq sunniuteqarpoq.

- Allaanngilaq suut tamarmik allanngussanatik kaaviinnavissortut. Nunaqarfik unittoorsimavoq, Loré Martinsen, Alluitsup Paani ilinniartitsisuusoq oqarpoq.

Kamaannerit
Bentiaraq Efraimsen nunaqarfimmi niuertarfiit ilaanniippoq. Utoqqaat innuttaaqataasut marluk aningaasatigut inuussutissarsiutitigullu ajornartorsiutit pillugit assortuuttut takusinnaavai. Ullormiit ullormut kamannerit annunnerillu pilersartut malugisinnaavaa.

- Siornatigut innuttaasut nuannaaqatigiittut ataatsimuualaartartut misigisarpavut; tassa innuttaasut qimarratinngikkallarmata, taamanikkummi aamma raajaleriffimmi suli raajanik tuniniaasoqartarpoq. Raajalariffiup matuneqarnerata kingorna ammuinnaq ingerlasoqalerpoq, Loré Martinsen, oqarpoq.

Kisianni inuusuttut utoqqarnit pitsaanerusumik attaveqatigiittarsorai.

- Uagut inuusuttut pitsaanerusumik attaveqatigiittarpugut. Aqqusinermi immitsinnut ilassisarpugut, arsaattarpugut, rundboldertarpugut pisuttuaqatigiittarlutalu, Bentiaraq Efraimsen, nassuiaavoq.

Aserorterineq
Nunaqarfimmi illut ilarpassuisa igalaavi aserorterneqarsimapput, tassami suliffissaaleqinerup suliassaaleqinerullu inuusuttut nunaqarfimmi aserorterisittarpaat niuertarfimmullu, quersuarmut atuarfimmullu tillinniartittarlugit.

Allaaserisaq tamaat aviisimi Sermitsiami saqqummertumi kingullermi atuaruk, taanna uani digitaliusumik atuarsinnaavat: 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER