Nunaqarfimmi illut 15-it isaterneqartut
Illut najugarineqarsinnaajunnaarsimasut isaterneqarsimaneri Qeqertarsuatsiaani innuttaasunit nuannaarutigineqarpoq
Qeqertarsuatsiaat kivinneqarpoq, taamaalilluni inuuneq, siornatigut uninngaannaraluartoq, uninngaannarunnaarpoq. Tamanna arlalinnik pissuteqarpoq, ilagaat illut 15-inik ikinnerunngitsut aasaq isaterneqarmata.
Isaterineq immaqa ineriartornerup killormoorneraa, kisianni taamaanngilaq. Taamaanngilluinnarpoq, Kommuneqarfik Sermersooq allappoq.
- Illut qanganitsat isateriaannaallu nunaqarfimmi kusassaataanngilluinnarput. Massakkut torernerulerpoq, Manassinnguak Noahsen (S), nunaqarfimmi aqutsisut siulittaasuusoq, kommunip nittartagaanut oqarpoq.
Imminut assortuuttutut ippasikkaluartoq, illoqarpoq inoqanngitsunik inissaaleqisoqarlunilu ataatsikkut. Illut inoqanngitsut najorneqarsinnaajunnaarnikuunerannik peqquteqarpoq, iluarsaannissaalu imminut akilersinnaanngillat.
- Taamaattumik utaqqisut allattorsimaffiat suli unamminarpoq, nunami tamarmi ilungersuutigineqartutuut. Qujanartumik Kommuneqarfik Sermersuumi sumiiffinni tamanut agguataarneqarsimasunik ukiuni kingullerni kommunit inissiaatai nutaat 350-it atulerput, kommuni allappoq.