Nuuk
Nunaqarfimmi atuartut Kim Kielsen pulaaraat
Upernaviup eqqaani Innaarsunni atuarfimmi atuartut Naalakkersuisut siulittaasuat pingasunngornermi paasisassarsiorlutik angalanerminni pulaarpaat
Annonse
Naalakkersuisut siulittaasuat Kim Kielsen (S) nunaqarfimmi Innaarsunni atuartunit pulaarneqarpoq.
Atuartut pulaarnerminnut atatillugu allakkanik marlunnik Kim Kielsenimut tunniussaqarput.
Atuarfik mikivallaaqaaq
Allakkani pinnguartarfiup meeqqanut navianartorsiortitsisunik sanaartornermut atortunik ilioraavigineqarsimanera kiisalu atuarfiup maanna 33-nik atuartoqartup mikivallaarluni tattoqiffiuvallaarnersimanera iluarsiivigineqaqqupput.
Innaarsunni atuartut qulit ilinniartitsisuilu marluk aggustusip 24-annili Nuummiipput, ilaatigut KNR, Tele-Post, Nunatta Katersugaasiavia aamma Naluttarfik Malik takusarneqarsimallutik. Atuartut septembarip aappaanni umiarsuarlutik avannamut aallassapput.