Skip to main content

Nunaqarfimmi amerlanerusunik sammisassaqartitsineq

Meeqqanut, inuusuttunut ilaqutariinnullu immikkoortortamut amerlanerusunik aningaasaliineq, Sarfannguani sunngiffimmi sammisassaqartitsinernik ingerlatsinermik kinguneqarpoq

Amernik mersorneq, utoqqaat klubbiat, ilaqutariinnut ulloqartitsineq oqalugiarnerillu.

Tamakkuupput nunaqarfimmi Sarfannguani innuttaasut sunngiffimmi sammisarisinnaasaat.

Sunngiffimmi sammisassaqartitsineq ukkataralugu, meeqqanut inuusuttunullu immikkoortortamut aningaasaliissutit ilaasa nuunneqarnerisigut, tamakku piviusunngortinneqarsinnaasimapput, Qeqqata Kommunia tusagassiuutinut nalunaarummi allappoq.

Aningaasat immikkoortumut nuutinneqarnissaanut suliniut 2015-imi aallartisarneqarpoq, ukiullu tullissaani aningaasaliissutit 233.000 koruuninik naleqartut, immikkoortumi suliniuteqarfiusuniitiinnarneqarnissaat aalajangiunneqarluni.

- Ingerlalluarsimaqaat. Aningaasaliissutit ammerivimmiit innuttaasunut siammarnerulersinneqarnerat assut nuannaarutigigipput tupinnanngilaq. Matumani annertunerusumik sammisaqartitsisinnaalernitsinnik kinguneqarpoq, taamaalillutalu aamma pinaveersaartitsinissanut aningaasassaqalernerulerlutalu nukissaqarnerulerpugut, Sarfannguani allaffimmi pisortaq Aron Olsen, oqarpoq.

Sammisaqartitsinissat arlaqartut allat aamma ingerlanneqartussaapput. Neqerootutit maannakkut pissutsinut naapertuuttunngorlugit allanngorartuunissaat pilersaarutaavoq. Qaammatit pingasukkaarlugit suliniutit nalilersorneqartassapputtaaq.

Arlalinnik sammisassaqartitsinerup atornerluinerullu annikinnerulernerata ataqatigiilluinnarneri takuneqarsinnaasimavoq. 

- Imigassat piniarneqartartut Sarfannguanullu anngunneqartartut appariaateqarsimapput, siusinnerusukkuttaaq sodavandit puukui hashimik ikiaroornermut atorneqartarsimasunik nassaarsinnaasarnikuuvugut. Tamanna maannakkut qaqutiguulernikuuvoq. Sarfannguani maannakkut pissutsit qanoq ingerlaneri nuannaarutigalugillu iluarisimaarluinnarpakka. Sammisassaqartitsinerulernerit atornerluinerup annikinnerulerneranik kinguneqartitsisut ersarilluinnarpoq, Aron erseqqissaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER