Nunaqarfik ajunaarnermit eqqugaasoq ajunaartoqarnerani ikiuuttartunit ikiorserneqassaaq
Ajunaartoqarnerani ikiuuttartut aqagu nunaqarfimmut ajunaarnermit eqqugaasimasumut Ukkusissanukassapput, marlunngormat sermeq iigartartoq nakkaammat aalisartoq ataaseq ajunaarpoq marlullu suli maqaasineqarlutik
Avannaata Kommuniani borgmesteri Palle Jeremiassen aamma nunaqarfimmukarniarpoq.
- Tallimanngorpat ajunaartoqarnerani ikuisartuvut sisamat peqatigalugit Ukkusissanukassaanga, ilaqutariinullu alianaqisumit eqqugaasimasunut ikiorsiissalluta, borgmesteri Palle Jeremiassen KNR-mut oqarpoq.
Palle Jeremiassenip siumungaaq oqaatigisinnaanngilaa, ikiuiartortut qanoq sivisutigisumik nunaqarfimmiittariaqariaqassanersut.
- Ilaqutariit eqqugaasut nunaqarfimmilu innuttaasut pisariaqartitaat apeqqutaapput. Pisimasoq nunaqarfimmut uagutsinnullu initoorujuuvoq. Taamaammat pisariaqatitsinerup qanoq annertuginera apeqqutaavoq, sapinngisarpullu tamaat ikiorneqarnissamik pisariaqartitsisut ikiussavavut, aamma pisariaqartitsinerup qaangiunnissaata tungaanut ikiuutissaagut, Palle Jeremiassen til KNR-p nittartagaanut oqarpoq.