Skip to main content

Nunaqarfiit marluk aningaasanoorumatunermik eqqugaanerluttut

Avannaani nunaqarfinni marlunni aningaasanoorumatunersuaq atugaavoq. Angajoqqaat aningaasasaatitik ajunaarutigisarpaat, taamaasilluni qitornamik nerisassaannut akissaaruttarlutik

Kullorsuup atuarfiata igaffiani issigigassanik piareersimasoqartarpoq, meeqqat ullaakkorsiorsimanatik atuariartortut ullaakkorsiorsinnaaqqullugit.

Isumaginninnermi ajornartorsiutit, meeqqat illersuisuisa Aviâja Egede Lyngep Avannaani angalanerminit nalunaarusiamini tikkuagaasa ilagaat aningaasanoorumatunersuaq, nunaqarfinni ataasiakkaani atugaasoq.

Aningaasanoorneq ilaquttanit pingaarnerutippaat

Angajoqqaat aningaasat ima amerlatigisut ajunaarutigisarpaat, qitornamik nerisassaannut akissaaruttarlutik.

– Aningaasanoorumatuneq sumiginnaanermut pissutaaqataavoq, ilaatigut kaattarnermut, tassa aningaasat aningaasanoornermut atorneqartarmata, paasissutissallu tamakkua meeqqanit inersimasunillu pissarsiaraakka, Aviâja Egede Lynge angalanermini nalunaarusiamini allappoq.

Pingaartumik nunaqarfinni marlunni aningaasanoorumatunersuaq atugaavoq.

Nunaqarfik angisooq mikisorlu

– Nipangiussisimasussaatitaaneq, aammalu meeqqat inersimasullu saaffiginnissimasut illersornissaat pissutigalugit nalunaarusiami aternik taasisoqanngilaq, meeqqat illersuisuat Sermitsiamut oqarpoq.

Aviisilli paasisai malillugit aningaasanoorumatunermik ajornartorsiuteqarfiit tassaapput Kullorsuaq 455-inik inulik aamma Upernavik Kujalleq 188-inik inulik.

Allaaserisap sinnera Sermitsiami tallimanngormat saqqummersumi atuaruk. Aviisi uani pisiniarfinnilu pisiarisinnaavat

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER