Skip to main content

Nunaqarfiit internetimut sukkasuumut attavilerneqarput

Illoqarfiit assigalugit internetimut sukkasuumut nioqqutinik nunaqarfiit pissarsisinnaanngornissaat TELE-POST-ip ullumikkut ammaassiffigaa.

Illoqarfiit nunaqarfiillu tamarmik 4G-mut attavittaarfigisaat, Mobile First, suliarineqarluni siorna naammassivoq. Suliap tamatuma nunaqarfiit internetimik sukkasuumik atuiffiusinnaanngortippai.

Periusissaq 2016-imi siulersuisunit akuersissutigineqarmalli, periusissiami anguniagalersuisimanerit aallaavigalugit Tele-Post sulilluni aallartippoq. Tassani anguniagassanngortinneqartut ilagaat, innuttaasut 92 procentiisa ukioq 2020 sioqqullugu internetimik sukkasuumik atuisinnaanngorsimanissaat. Nunaqarfiillu maanna internetimut sukkasuumut attaveqalermata, anguniagaq qanillivoq.

Digitalimik kivitsineq

- Nunaqarfinnut arlalinnut internetimik sukkasuumik ullumikkumiit atuisinnaanngortitsinerput, tamannalu ilutigalugu killeqanngitsumik internetimut sukkasuumut atuisuuffinnik nutaanik neqerooruteqarsinnaalernerput, assut naammagisimaarparput. Digitalimik atortoqarnikkut nunatsinnut tamanna assorsuaq qaffariaataavoq. Innuttaasut amerlanersaasa sukkasuumik interneteqalernissaannik siunertaqartumi 2017-imiit 2020-mut periusissiami, Tele-Post taamaalilluni siuariarluarpoq, Tele-Postimi pisortaaneq Kristian Reinert Davidsen oqarpoq.

Nunaqarfinnut internetti

Tele-Post internetimik sukkasuumik nunaqarfinni ukunani siullermik ammaavoq:

Kapisillit, Atammik, Itilleq, Kangaamiut, Napasoq, Sarfannguit, Akunnaaq, Attu, Iginniarfik, Ikamiut, Ikerasaarsuk, Ilimanaq, Kangerluk, Kitsissuarsuit, Niaqornaarsuk, Oqaatsut, Qeqertaq aammalu Saqqaq.

Kujataani

Kujataani imaatigut kabelip aaqqissuunneqarnera naammassippat, nunaqarfiit uku sukkanermik interneteqalissapput:

Alluitsup Paa, Arsuk, Eqalugaarsuit, Igaliku, Narsaq Kujalleq, Qassiarsuk, Qassimiut, Saarloq, Tasiusaq, Aappilattoq aammalu Narsarsuaq.

Avannaani

Kiisalu, Ilulissat Uummannallu akornanniittup sakkortusaaviup aasap naajartornerani qaffatsinneqarsimalerpat, nunaqarfiit uku sukkanermik interneteqalissapput:

Upernavik Kujalleq, Kangersuatsiaq, Aappilattoq, Tasiusaq, Nuussuaq, Kullorsuaq, Naajaat, Innaarsuit, Nutaarmiut, Niaqornat, Qaarsut, Ikerasak, Saattut, Ukkusissat aammalu Qeqertarsuatsiaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER