Skip to main content

Nunap immikkoortuini mittarfissat

Nunap immikkoortuini mittarfissat sumiinnissaannik piareersaaneq aallartippoq, attaveqarnermut Naalakkersuisoq oqaluttuarpoq, akissaalli iserfiginngilai. Mittarfiit inuinnaat aningaasaqarnerannit isigalugu akilersinnaanavianngillat, Aningaasaqarnermut siunnersuisoqatigiit siulittaasuat oqarpoq

Nunap immikkoortuini mittarfinnik ujaraaqqanik qallikkanik arfineq marlunnik mittarfiliornissami 2015-imi Inatsisartut ukiaanerani ataatsimiinneranni akuersissutigineqartumi suliassat ilaannik sulineq ingerlalluarpoq. Taama attaveqarnermut Naalakkersuisoq Erik Jensen Tasiilami, Ittoqqortoormiini, Qeqertarsuami, Qasigiannguani, Kangaatsiami, Narsami Nanortalimmilu mittarfissat pillugit oqarpoq. Suliaavorli pisariusoq ukiuni arlalinni piareersarneqartussaq.

– Piffissap affaa tamakkiisumik suliniutinut atorneqartussaq allaffimmi suliarineqassaaq, ilaatigut mittarfissat, mikkartornermi periutsit inissiivissallu ilusilersorneqarlutik. Taakku saniatigut malitsigisaannik atortulersuutit terminalillu ilusissaat il.il. Aamma ukiuni aggersuni silap pissusaanut, anorimut silaannallu aalaruluttarneranut tunngatillugu misissuisoqassaaq, tamannami mikkiartornermi periusissanut pingaartupilussuuvoq, Erik Jensen allappoq, innersuussutigaluguttaaq mittarfinnut tamanut VVM-imi (avatangiisinut sunniutissat) misissueqqissaarnerit aamma suliarineqassammata.  

Mittarfiit sumiinnissaat

Misissueqqissaarnerit inissippata sanaartornermi aningaasartuutit piukkunnarsarneqassapput, taamaalillutik ukiuni aggersuni aningaasanut inatsisissamut isumaqatigiinniarnissani ilanngunneqarlutik. Tassalu mittarfiit aningaasalernissaat naalakkersuinikkut pingaarnersiuinikkut nassaarineqassammata. Mittarfiilli taamaattut inuinnaat aningaasaqarnerannit isigalugit akilersinnaanngillat, Aningaasaqarnermut siunnesuisoqatigiinni siulittaasoq Torben M. Andersen oqarpoq, ungasinngitsullu taanna aamma Ilulissani, Nuummi Qaqortumilu mittarfliornissanik pignasunik naatsorsuinerni tunngavigineqartunik sakkortuumik isornartorsiuivoq. 

Allaaserisaq Sermitsiaq aviisimi tamakkerlugu atuaruk. Aviisi digitaliusoq uani pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER