nuna ikuallattoq

Nunap ikuallannera pissutigalugu politiit mianersoqqusipput

Qeqqani nunap annertuumik ikuallannera pissutigalugu politiit upalungaarsimanermik nalunaaruteqarput, tassani piffinni marlunni tassa Nassuttuumi aamma Amitsorsuarmi angalaarfigineqannginnissaa innersuussutigineqarluni.

3. august ikuallanneq ima isikkoqarpoq
Uani ikuallattoqarpoq
3. august ikuallanneq ima isikkoqarpoq Air Greenland pilot Lasse ReidingUani ikuallattoqarpoq 3. august ikuallanneq ima isikkoqarpoq Air Greenland pilot Lasse ReidingUani ikuallattoqarpoq 3. august ikuallanneq ima isikkoqarpoq Air Greenland pilot Lasse ReidingUani ikuallattoqarpoq

Nassuttuumi nuna 5-15 kvadratkilometerisut annertutigisoq ikuallappoq. Ikuallanneq 2 kilometeritut qutsitsigisumut pujuliortitsivoq, pujorlu kilometerinut hunnorujulikkaanut siaruaakkiartorluni, politiit paasissutissiipput.

Amitsorsuup eqqaani nuna 800 x 800 kvadratmeterit missaannik annertutigisoq ikuallappoq.

Aavarneq 1. august aallartiinnartoq ikuallanneq aallartippoq, taamalu pujuliortitsitsinera piffinni angalasunik sammiveerutsitsisinnaammammat, piffimmi qanitaaniluunniit angalaartoqannginnissaanik, politiit innersuussuteqarput.

Ulluni qaninnerni ikuallattoq qaminissaa ilimanaateqanngitsoq, politiit paasissutissiipput. Pisoq oqartussanit qanimut malinnaavigineqartoq, upalunaarsimanermut nalunaarummi erserpoq.

Upalungaarsimanermut pisortaq alapernaarsuisoq

Qeqqata Kommuniani upalungaarsimanermut pisortaq Ole Kreutzmann nunallu immikkoortoqarfiani aqutsisoq John Danielsen sisamanngornermi qulimiguulik S-61 atorlugu piffik alapernaarsorsimavaat.

- Ikuallattup aappaa 4,5 kilometerinit annertussuseqarsimavoq. Aappaalu pujornera pissutaalluni naliliiffigineqarsinnaasimanani. Ikuallaffiusoq qeqertaasaavoq, piffiulli sisamarterutaa ikuallassagatinneqarluni. Sapaatip-akunnerini arlalinni ikuallannissaa ilimanaateqarpoq, siaruaannissaalu aarlerinaateqarluni, Qaasuitsup Kommuniani Upalungaarsimasuutitat, Ilulissani Politiit aamma Qaasuitsup Kommunia, ataatsimoorussamik tusagassiuutinut nalunaaruteqarput.

Qaasuitsumi Upalungaarsimanermik sulisut Kalaallit Nunaani Upalungaarsimanermik Ataatsimisiititaliamut ikuallutup nunavimmut siaruaannissaata annikillisarnissaanut ikiorneqarnissamik kissaateqarsimapput. Ataatsimiititaliaq tallimanngornermi unnukkut ataatsimiissasoq, paasissutissiarineqarpoq.

Powered by Labrador CMS