Skip to main content

Nunaoil pisinnaatitsissummik ataasiinnarmik peqalersimasoq

Suli kaaviiaartitaqartoqanngilaq aamma 2021-mi 1,5 millioner koruuninik amigartooruteqartoqarsimavoq.

Stine Bosse Tusass-ip siulersuisuisa siulittaasuattut taamaatippoq, Nunaoil-imi ingerlaqqilluni.

Ingerlatseqatigiiffik sapaatip-akunnerata naanerani ileqquusumik ataatsimeersuarsimavoq, tassanilu siulittaasutut qinigaaqqilluni.

Siulersuisuni ilaasortat allat taarserneqarput - ilaatigut siulersuisuni ilaasortaq Kuno Fencker Inatsisartuni ilaasortanngorsimavoq, tassungalu atatillugu siulersuisuni ilaasortatut tunuarsimalluni

Nunaoil-ip siulersuisui ukuulerput: 

Susanne Juhl (naalagaaffimmit sinniisuutitaq)

Cicilie Senderovitz

Mikkel Krogh Søndergård

Suli kaaviiaartitaqanngitsoq

Nunaoil 2021-mi kaaviiaartitaqaqqissimanngilaq, aamma ingerlatseqatigiiffiup aningaasartuutaasa appartinneqarnissaat ukkatarineqarsimavoq, Nunaoil-ip ukiumoortumik nalunaarusiaani siulersuisut nalunaarutaanni allassimavoq.

Ingerlatseqatigiiffiup ilaatigut allaffeqarnini taamaatissimavaa, Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmut nuussimalluni.

Siulersuisut ukiumoortumik nalunaarusiami eqikkaallutik allapput:

- Ingerlatseqatigiiffiup allanngortiterinini ingerlatiinnarlugu, ingerlatseqatigiiffimmi siulersuisut NUNAOIL A/S-ip suliarisartagai annikillisinniarpaat, tassungalu atatillugu ingerlatseqatigiiffiup geologimi geofysiskimilu paasissutissaataasa isumagineqarnissai sammineruniarlugit kiisalu pineqartut taakku iluaqutaasinnaanngortinniarlugit aamma piginnittunut iluaqutaalluartunngortinniarlugit periarfissanik ujaasiniarlutik. 

Pisinnaatitsissut ataaseq

Ukiumoortumik nalunaarusiaq naapertorlugu, Nunaoil 2021-mi pisinnaatitsissummi ataatsimi 6,25 procentimik piginneqataavoq. Pisinnaatitsissut Namminersorlutik Oqartussanut utertinneqalerpoq.

Pisinnaatitsissummik piginnittoq Panoceanic Energy Ltd ukiup ingerlanerani tamatumannga aalajangersimavoq. 

Naalakkersuisut aamma 2021-mi  2019-2023-mut uuliamut periusissiaq taamaatssimavaat siunissamilu uuliasiorluni misissuisoqartarnissaa unitsissimallugu. 

Nutaamik ukkataqalerneq

Tamanna uuliasioqatigiiffimmut nutaarsiassatsialaasimanngilaq, ingerlatseqatigiiffimmillu 2022-mi nutaamik ukkataqalertoqarniarpoq:

- Kalaallit Nunaata nukissiuutinik ataavartunik tunisassiorsinnaanerata qanoq siuarsarneqarnissaanik piginnittut kissaataannut iluaqutaanerpaamik ingerlatseqatigiiffik periarfissanik 2022-mi ujaasiniartoq kiisalu Nunalerinermut, Imminut Pilersornermut, Nukissiuuteqarnermut Avatangiisinullu Naalakkersuisoqarfik nukissiuutinik ataavartunik Nunatta nammineq atunngisaanik niueruteqarsinnaanermut periarfissaqaluarnerani Nunaoil A/S-ip ikiorniarpai, ukiumoortumik nalunaarusiami allassimavoq.

Isumalluutit annertuut annikillisinneqartut

Ukiumoortumik nalunaarusiami aamma erseqqissaassutigineqarpoq, Tunup avannaarsuani misissuiffigineqartussamik nalilersuisimaneq 2021-mi naammassineqarsimasoq.

Nalilersuinermi ajoraluartumik inerniliunneqarsimavoq, Amerikami ujarassiuut 2008-mi misissuinerminni paasisimasaannit isumalluutit annikinneerarsuusut:

- Ilippanaatilinnik misissuisimanermi paasineqarsimavoq, ilippanaatillit 4,000 MMBOE (uuliap qattani miliuunilikkaani qallorneqarsinnaasup nalinga) missaannik annertussuseqartut, ilippanaatilittulli missuiffigineqarsimanngitsumi 2,700 MMBOE missaanik peqartoqartoq naliliisoqarsimalluni, taamaalilluni AU4-mi ilippanaatillit tamarmiusut 6,700 MMBOE missaannik annertussuseqassangatinneqarlutik.

- Amerikami ujarassiuut 2008-mi misissuinerminni (USGS; 31, 400 MMBOE) paasisimasaannit annikinneerarsuupput, isumalluutinillu nalilersuisimanernit paasissutissat annikinneerarsuit tunngavigineqarsimallutik.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER