Nunanut allanut unammisartut Nuummi sungiusaqatigiilerput
Nunanut allanut unammisartunut sungiusaasup Johan Zanottip unammisartut Nuummi naapeqqaartussanngorpai.
Unammisartut 30-it Nuummi sungiusaqatigiinnissamut toqqarneqarput.
Nunanut allanut unammisartunut sungiusaasoq Johan Zanotti siullerpaamik unammisartut naapittussanngorpai. Taanna Nuummut ullumi pingasunngornermi aallassaaq.
- Siullerpaamik Kalaallit Nunaannukalerpunga, qilanaartupilussuuvunga Nuummut tikinnissannut. Unammisartut takoqqarnissai pissangagaara, suleqatiginissaat qilanaaralugu. Sungiusaqatigiinnermi qanoq siuariarsinnaanerluta aamma oqaloqatigiissutigissavarput, Johan Zanotti Sermitsiaq.AG-mut oqarpoq.
Nunanut allanut unammisartut nunarsuarmi pissartanngorniunnissamut aappaagu anngunniutissapput. Nuummi sungiusaqatigiinnissaq anngunniunnissamut aqqut siulliusoq oqaatigaa.
Sungiusaasutut ikiortaata Akutaaneq Kreutzmannip unammisartut 30-it aggersarnissaat isumagaa.
- Sungiusaasup takorusunnikuummagit arsartut amerlasuut. Taamaalillunga isummanni peqataasinnaasut toqqarpakka. Inuusukaanillu ilallugit tullissatsinnik isertitsereerniassagatta, Akutaaneq Kreutzmann oqarpoq.
Nunanut allanut unammisartut Danmarkimi oktobarimi imaluunniit novembarimi sungiusaqatigeeqqissapput.
Unammisartut peqataasussat:
Målmænd:
- Josef C. Frederiksen
- Inuk Højgaard
- Isak Olsen
- Taatsiaq Villadsen
- Suersaq Nathanielsen
Fløjespillere:
- Lars Ole Lyberth
- Pele Lynge
- Aqqalu Sandgreen
- Lars Møller
- Vitalius Lennert
- Pituaq Reimer
- Inuuteq S Dahl
- Stregspillere:
- Kuutak K Olsen
- Carlo Lyberth
- Milan Olsen
- Noah John Davidsen
Bagsspillere:
- Nuka B Heilmann
- Patrick B Larsen
- Kâle Fleischer
- Karl Brandt
- Muusa O-Søholm
- Malik Rosing
- Akutaaneq Kreutzmann
- Marco Geisler
- Malik Kleist Andersen
- Archibald Lennert
- Niels Peter Johnsen
- Marxwell Frederiksen
- Inuk Olsen
Peqataasinnaanatik nalunaartut:
- Miki Heilmann (suliaritinneq pissutaalluni)
- Minik Dahl Høegh (Sverigemi unamminerit pissutaallutik)
- David Brandt (atuarneq peqqutaalluni)
- Simon Thorleifsen (Ilinniagaqarneq peqqutaalluni)