Skip to main content

Nunanut allanut unammisartut Norgemut billetissaat qulakkeerneqartut

Arnat nunanut allanut unammisartut VM-erlutik unammiartulerpata, Norgemut angalanissaat tamakkiisumik Grønlandsbankenip aningaasaliiffigaa. Pitsaanerpaamik misigisaqarniarluta ataatsimut kivitseqatigiissaagut, aningaaserivik oqariartuuteqarpoq.

Nunanut allanut unammisartut arnat VM-imut novembarip naanerani aallartittussamut peqataanissaannut, assammik arsartartut kattuffiat aamma Grønlandsbanken aningaasaliissuteqarnissamut isumaqatigiissusiorput.

Kalaallit unammisartuisa ilaatigut VM-imi Norge naapilerpassuk, Grønlandsbankenip angalanerup ilaa aningaasaliissuteqarfigigaa tamanna isumaqarpoq, taanna Stavangerimi Norgemi aallartissaaq.

Nunanut allanut unammisartut VM-imut peqataanissaat akisusinnaasartoq, Grønlandsbankenimi nittarsaassinermut pisortap oqaatigaa. Nunanut allanut unammisartut Kalaallit Nunaanni qanittumit ungasissumiillu Stavangerimut angalaniarlutik katersuutsinnissaa akisusinnaasarpoq.

- Nuna mikisunnguuvugut, taamaattumillu inuiaqatigiit pisumi uani katersuutissasut isumaqarpugut, aammalu nunatta nunani tamalaani pisumi peqataatitaqarnerani ataatsimut kivitsisariaqartoq isumaqarpunga, Peter Fleischer Rex, Grønlandsbankenimi nittarsaassinermut pisortaq oqarpoq.

Tapersersuineq nuannaarutigigaa

Qaammatini pingasuni kingullerni Kalaallit Nunaata nunanut allanut unammisartui VM-imut sungiusarput, maannamullu marlussoriarlutik katersuunnikuupput.

Nunanut allanut unammisartuni sungiusaasut unammeqataasussanik toqqaanissaat nunatta suli utaqqivaa, taakku nunarput sinnerlugu assammik arsartarfimmi peqataassapput.

Assammik arsartartut kattuffiata (TAAK) aningaaserivimmit tapersersuisoqarnera nuannaarutigaa:

- Grønlandsbankenip suleqatiginera nuannaarutigaarput. Assammik arsarnermut tapersiineratigut nunarput ataatsimoortinnerulerparput tulluusimaarnermillu ataqatigiinnermillu pilersitsivoq, TAAK-mi aningaasaliinermut akisussaasoq, Eqalunnguaq Abel Kristiansen oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER