Nunanut allanut unammisartut Kroatiami misilitsilersut
Kalaallit nunanut allanut arsartartuisa nunanut tamalaanut Kroatiami oktobarip aappaaniit arferngata tungaanut unammisaqattaalerput.
Nunat tamalaat unammisaqattaarnerini kalaallit nunanut allanut unammisartuisa sumi inissisimanersut takuneqarsinnaalissaaq. Tamanna pilerpoq ukiuni marlunni unammiuaartoqanngereersorlu.
- Akerlerisat pikkorinnerpaat unammisartutta sukataartissavaat, taamaalilluni piumassusernik, ilinniarfissanik misilittakkanillu annertuunik KAK pissarsisinnaasaaq. Siunissamilu nunanut allanut unammisartut nunarsuarmiooqataanerulernissaanut anguniakkat akornanniilertussaallutik, KAK tusagassiuutinut nalunaarummi allappoq.
Nunanut allanut unammisartut Oman, Finland aamma Polen unammiuaarnerni unammisussaavaat.
- Unammiartoqataasussat futsalimi ajunngitsumik upernalernerani takutitsinikuupput, tassani avannaaneersut kujataaneersullu unammisinneqarput, KAK paasissutissiivoq.
Unammisartut maligassiuisuusapput
KAK-ip unammisartut toqqarsimasaanut annertuumik piumasaqarput. Unammisartut inuusuttunut allanut maligassiuisuusapput ikinnerpaamik sapaatip akunneranut sisamariarlutik sungiusartassapput. Taassuma saniatigut qasujaanermi misilitsittartussaapput.
- Unammisartut ilaasa ajoqusersimanerminni ilai tigusaanngitsoorput. Uani angalanermi unammisartut nunanut allanut unammisartuni sungiusaasumut angusaminnik ajunngitsunik takutitsiniarsarissapput Kalaallit Nunaallu sinnerlugu unammisartoorusunnertik ersersissavaat, KAK paasissutissiivoq.
Kroatiamut angalaneq Elite Sport Greenlandimiit tapiiffigineqarpoq.
Unammisartut toqqarneqartut:
- Malik Hermarij Sverige
- Peter Berthelsen Sisimiut
- Nick Reimer Nuuk/Ilulissat
- Bastian Rosing Nuuk
- Rene E. Petersen Nuuk
- Lars Erik Reimer Ilulissat
- Niklas Kleist Nuuk
- Phillip Holmene Maniitsoq/Nuuk
- Markus Jensen Saqqaq
- Karsten M. Andersen Nuuk
- Henrik Kleist Nuuk
- Karl Louis Sandgreen Ilulissat/Nuuk
- Bror Bernhardsen Ilulissat
- Kent Jeremiassen Nuuk
- Niklas Thustrup Johansen Sverige
- William Gantzhorn Sverige
- Nikki Petersen Maniitsoq
- Aputsiaq Andersen Nuuk
Pisinnaajunnaartut:
- Patrick Frederiksen
- John-Ludvig Broberg
- Niels Patrick Jensen
- Hans-Karl Berthelsen